أيام العجب والموت Quotes

“بكيت مسحت دموعي
بامسح دموعي بكيت
املوا علينا البيت
املوا علينا الطريق
. . . . . . . . .
غنيت لقطر الندى
من كتر ما غنيت”
― فؤاد حداد, أيام العجب والموت

“خلي صوتنا بعد موتنا مليح
مش عمل باطل وقبض الريح
مش كلامنا اللي هيبقى تراب”
― فؤاد حداد, أيام العجب والموت

“كل شئ راجع ومش راجع
بنت بنتى يعلّموها المشي
قلبي بيحاول فى وادي الجوف
ارتخى وزال الوتر والخوف
يفتكر أيامنا ويهدى”
― فؤاد حداد, أيام العجب والموت

“كنت دايخ
وللا خايف أقع
وللا بسأل نفسي لجل المُر
اللي يتلقاني بين الرياح
إمتى كان ممكن يضيق البراح
قالوا هات شَقفة مراية وضيق
جبتها من الشارع النوّاح
جبتها من الشارع التايه
اللي بيدور عليه الهوا
لما تجري دموعي زي الريق
المراية في إيدي زي الدوا
المراية في إيدي زي السلاح”
― فؤاد حداد, أيام العجب والموت

“آدى أيام العجب والموت
جت بسرعة زى غمضة عين
ليه ما قلتش زى لمح البصر
كنت باتقلّب على الجانبين
والكابوس من كل جنب يجينى”
― فؤاد حداد, أيام العجب والموت

“البـراح مجروح بشقفة قزاز
لو تشوفها الشمس تتزلزل
انتباه ان كنت بتمثل
انتباه ان كنت بتغني
انتباه ان كنت شاعر عويل
الفرح والكدب حبله قصير
والعذاب والصدق حبله طويل
نمرة الدبابة راح تتغير
الحجر مش راضي بالتدويل”
― فؤاد حداد, أيام العجب والموت

“السحاب الوردى لما استمر
فى سما الأوردى صبح مكتئب
مضربين زى الجمال نجتر
فى آثار الذكريات الدفينة”
― فؤاد حداد, أيام العجب والموت

“بس إيه.. كان اسمه إيه الدم
اللي خلى الأرض زي الرخام
الليالي اتحجبت بالدخان

انتباه يا محملين العنب
في الأغاني اللي رايحة حلب”
― فؤاد حداد, أيام العجب والموت

“في المراية صوتي بيودي
في المراية صوتي ح يجيني
نعش طالع لابس العِمّة
ح تطير.. ولا راح تتقل
على اكتافهم
وللا تتسمر في نور الأرض
وللا بعد الناصية راح نعمى
يا حبيبتي للأبد عن بعض..”
― فؤاد حداد, أيام العجب والموت

“اتوهمت الخوف، دهسنى الخطر”
― فؤاد حداد, أيام العجب والموت