إسلام جاويش > Quotes

“في ناس عندها شبابيك بتفتحها علشان تشوف وتفهم وتتفرج لحد ما بتتعلم .. وفي ناس عندها مرايات ، مبتبصش الا لنفسها ومش بتقتنع غير بنفسها.. لحد ما بتتجنن”
― إسلام جاويش

“عادة في الطالب المصري .. يجيب المسطرة والبرجل والأستيكة ...والأقلام الملونة والكشاكيل من الأنواع المختلفة ، وملحقات ومذكرات المناهج ، ويرتب المكتب ... فيزهق ويخش ينام”
― إسلام جاويش

“الريس عمل ضربتين ..الأولي على دماغ 4 الأف يهودي .. والتانية على قفا 80 مليون مصري...”
― إسلام جاويش, الراجل اللي واقف ورا الكتاب

“عارف هما سموا البنت اللي نفسك تتجوزها فتاة احلام ليه ؟؟ ... علشان عمرها ما هتجيلك غير في الحلم...”
― إسلام جاويش, الراجل اللي واقف ورا الكتاب

“الحب إيمان .. والغيرة تعصب ..والعشق تطرف
والحب الحقيقي هو الإيمان الذي يجعل العاشق احياناً في قمة التطرف”
― إسلام جاويش

“خلق لكل داء دواء ..وخلق لليأس الأمل”
― إسلام جاويش

“الصبر وإنعدام اليأس هما دول المقومات اللي هتوصلك لطريق النجاح ، والمغامرة هيا الحياه ، لو اتلسعت منها اللسعة مش هتدوم بس هتعلمك متتلسعش تاني ، الفاشل هو اللي متعود على اللسعان..فعلشان كدا طول عمره لاسع”
― إسلام جاويش

“الصبح بيسلم على الليل في حركة وناس
والليل بيسلم على الصبح في هدوء حساس
ميزان الحياه دا بجد غريب
ميزان الحياه دا عكس عكاس”
― إسلام جاويش

“الثورة عاملة زي الجني .. اللي اول ما طلع من الفانوس لقى 85 مليون امنية قدامة ..اتخض ودخل الفانوس وحلف ماهو طالع تاني”
― إسلام جاويش

“وحشتني ايام زمان .. ايام النشا والخيط .. وشوية اللاخبيط مع حبة الألوان ..ايام الورق في الحيط ..ونعلقه بتنطيط .. من بلكونة لبلكونة ، وبأفكارنا المجنونة ..نعمل زينة رمضان ، وف وسط الزينة فانوس ، معمول بورق سلوفان ..منور كل البيوت .. ومزين كل الحيطان”
― إسلام جاويش

“اليأس اللي جوة الناس .. في حد ذاته ثورة مضادة”
― إسلام جاويش

“مصر الدولة الوحيدة اللي بيجتمع فيها الصويت والزغاريط في يوم واحد ...يوم نتيجة الثانوية العامة”
― إسلام جاويش

“تخيل لو عملوا قسم شرطة في الفيس بوك .. امبارح كانوا بيسحبوك بكلابشات ..ساعتها بقى يسحبوك بفلاشة...”
― إسلام جاويش, الراجل اللي واقف ورا الكتاب

“الناس زي القهوة بوشوش .ـ في منهم : مظبوظ ، وسادة ، وزيادة ... وممكن تلاقي ع الريحة”
― إسلام جاويش

“بدمنا نرسم علم
احمر دا دمى من الجروح
رغم الالم ..
لسة الطموح ..
جوايا يكسر 100 صنم
ابيض دا كفني اللى اشتريتة
لجل ما اموت والروح تروح
اسود دا يوم اللي نسي
يرد حق اللي اتظلم
بدمنا نرسم وطن”
― إسلام جاويش

“الحياه بها عيون كثيرة .. فلا تستعجب من نظراتها”
― إسلام جاويش

“اكل العيش مر .. والمزيد من السكر قد يفسده لذة المرارة”
― إسلام جاويش

“كان لابد من شيء يجعلك ممن تؤمن بما وراء الطبيعة في محاولة لتوسيع خيالك أثناء الطفولة، فاخترعوا لك اللبان السحري، وذلك لأنه يتحول بقدرة قادر لأصفر وأخضر وأحمر أحيانا.”
― إسلام جاويش, لبن العصفور

“قد أكون حراً في تصرفاتي ..متحرراً في إتجاهاتي .. اتظاهر بالديمقراطية مع الجميع حولي..، لكن معك فأنتي مرتبطة بقيود .. حيث تجعل أي رجلاً في العالم يعامل المرأة بديكتاتورية .. دون أن تدرى إنها مجرد غيرة”
― إسلام جاويش

“دقائق وساعات لا نهتم بها
بمرور الوقت تصبح ايام .. تصبح سنوات
تصبح ذكرى ..نهتم بها
واحياناً نريد ان تعود في احساس ملئ باليأس لفقدانها
وننسى ان هناك امل ينتظرك في كل دقيقة وفي كل ساعة تمر”
― إسلام جاويش

“اثناء الثورة وقف شاب "بلطجي" أمام كاميرا قناة العربية فجأة، ثم انحنى لها وقال: دول بيرموا علينا قنابل بلوتوث...”
― إسلام جاويش

“الحياه كالفتاه .. تعشق الدلال ، ولا تحب العتاب”
― إسلام جاويش

“تكون الذكريات احياناً عند البعض سعيدة ، حتى ولو كانت شديدة الألم
فالسعادة هي الأوقات الجميلة التي صاحبت الألم .. واصبحت ذكرى
اصبحت صفحات مدونة داخل دفاتر عقولنا ..
لا يمكن لورقاتها ان تزول بسهولة .. فستظل تواسينا الحياه”
― إسلام جاويش

“الحب إسطورة تتحول فى بعض الاحيان الى حقيقة ، واحياناً تبقى الاسطورة كما هى ، بعد ان تطعنها سيوف الكدب والخيانة”
― إسلام جاويش

“اه يا بلد .. متعرفش منها اللبن من السمك .. من الحاجة الساقعة ، مع ان دا ابيض ودا اسود ..بس الضلمة مخلياك مش شايف اي حاجة قدامك”
― إسلام جاويش, الراجل اللي واقف ورا الكتاب

“الشعب دا اصيل لدرجة ان الملحد فيه بيقسم بالله !”
― إسلام جاويش, لبن العصفور

“قام جمال عبد الناصر بإلقاء خطاب التنحي بنفسه وكانت النتيجة هي مطالبة الشعب بعودته ،اما بالنسبة لمبارك ..فقد قام ب ثلاثة خطابات ، وعلى الرغم من ذلك طالبه الناس بالرحيل ، وعلى الرغم من ذلك ايضاً لم يلقٍ خطاب تنحيه بنفسه ، لإنه فقد الشرعية من الشعب ، وتبقى الشرعية مكتسبة من حب الناس”
― إسلام جاويش

“عندما يتمثل شخص في كونه سبب من اسباب فشلك ، او خداعك ، او اكتئابك ... يمكنك الانتقام بكتابة اسمه على طبق ملئ بالفطريات ..وذلك لإنه فطر ، ومن ثم أقذفة بيدك ناحية اقرب جدار بكل قوة ... فحتما سيتحول الى اشلاء صفيرة بعد كسره ..يكون مكانها صندوق القمامة”
― إسلام جاويش

“الكابتن ماجد كان شخص قوي جدا لدرجة انه كان بيجيب الجون من نص الملعب ...، مع ان الكورة كانت بتمر على حوالي 60 واحد بما فيهم الجمهور ، وتروح كاسرة يمين وتخش جون ، وتقريباً دا كان بياخد 4 حلقات متتالية ، وعلى الرغم من كدا كان بيخلص المسلسل من غير بطولات...”
― إسلام جاويش

“وفي محاوله منه لتعليم الكومبيوتر عن طريق هذا الكتيب .. فكانت اول النصائح التي تلقاها هي تنظيف سطح المكتب ، راح شايل الكومبيوتر و ماسح المكتب”
― إسلام جاويش