Halloween Reads

تك

[image error] و تِّك الساعة تعدي
و تقل الفرصة معاها
و دماغ بتجيب و تودي
ف افكار بتموت جواها
الوقت واخدها بقفش
و الساعة مبتوقفش
خطواتي مش على قدي
بمشيها برغم عماها

و تّك الساعة تّك
و العقل مبيقررش
الفرصة قرار مربك
انا قدري مبيهزرش
فات الف و الف معاد
والصبر ملوش ابعاد
قهوتي لساها ع السك
و المر مبيصبرش

و تّك الساعة ف ايديا
ع الفرصة انا بتحسّر
كام مرة كانت حواليا
و الخوف خلاني اخسر
و الحظ ابو التلاكيك
جايلك يا سقف اواسيك
نضحك انا و انت عليا
انا حظى ده شيخ منصر
View more on شريف إبراهيم's website »
 •  0 comments  •  flag
Share on Twitter
Published on May 07, 2013 16:18
No comments have been added yet.