ઊગી નીકળવાં મન તો મને પણ ઘણું હતું,

બસ, દિશા એની કઈ હશે એની મને ખબર નહોતી.

સફળ થવાનું મન તો મને પણ ઘણું હતું,

બસ, એ મને મારાથી દૂર કરી દેશે એની મને ખબર નહોતી.

આ એકલતામાં સાથીની જરૂર તો મને પણ ઘણી હતી,

બસ, એ સંગાથનો ભાર કેટલો હશે એની મને ખબર નહોતી.

આ દોડધામમાં એક રમકડાની જરૂર તો મને પણ હતી,

પણ એ રમકડું મારા જીવથી મોંઘું હશે એની ખબર નહોતી.

જીજ્ઞેશ ન્યુટનનો ત્રીજો નીયમ હું પણ ભણ્યો હતો,

બસ, એ જીંદગી પર પણ લાગુ થતો હશે એની મને ખબર નહોતી.