سيطرة الخلق

عندي أرق بسميه ابني هو والقلق ولادي بركي بحن عليهن بركي بيتذكروا اللي الي عليهن سنين تركت صحابي و عزلت حالي وربيتن سنين قعدت بعزلة أم وحيدة بدون سند وهن نازلين فيني هري صبح وليل واحد ما بيخليني نام والثاني بيفيقني من وج الصبح.الأرق مغرور بيقلي ماما بلاه هالنوم كم سنة وبتركلك البيت فخليكي هون بهاليل لاحقة عابن عم الموت، ما في منه خيرهو مجرد مهرب اما انا، فمني بيجي كل أنواع الشغفما شايفة المدينة مطفيةما في غير شبابيك الفنانين فيهن ضوانا الضو وهيك هيك بيضل عم يرغي لحد ما يطلع الضو الأرق نرجسي وموهوم انو هو مركز الكون... القلق أخوه الصغير اللي اتربه بظلهبيدور عالكلمة الصح ولبين ما يلاقيها بيملوا اللي حولو بيتنفس بسرعة وبينسى ياخد نفس عميق كل جملة موصولة باختها ما بتعرف من وين بيبلشو ومن وين بيخلصوا القلق بيقلي ماما مش عم شوف منيح مع انو رحنا عند الف دكتور وما شافو بيعونه شيبس هو مصر انو عم بيشوف العالم مغبش والضو بيوجعلو عيونه فبسكر البرادي وبقعد بسمعله بيقلي حاسس بوجع بصدري بقله لساك صغير عالجلطة بيقلي حاسس انو في حدا بالبيت بقله قفلنا البواب وتأكدنا مية مرة بيقلي ما في وقت ما في وقتما في وقت. سيطرة الخلق عندي أرق بسميه ابني هو والقلق ولادي بركي بحن عليهن بركي بيتذكروا اللي الي عليهن سنين تركت صحابي و عزلت حالي وربيتن سنين قعدت بعزلة أم وحيدة بدون سند وهن نازلين فيني هري صبح وليل واحد ما بيخليني نام والثاني بيفيقني من وج الصبح.