وشي اللي كان يتلون مع كل زاوية أسكن فيها
زي حرباية بتغير لون جلدها
من يوم ما مات ثبت لون المدافن المترّبة فيه.
لؤم الحياة وزحمة الشارع
قرف التكاتك
واقعية العيشة اللي بتشوشر على الروح
بقالهم طعم التفهم واحيانا التقدير.
-جوايا لسه بتسكنه العصافير
علشان تراب وشي بيطرح قمح-
قوالب الطوب الاحمر
بتدي للمدافن اللي عايشين فيها بُعد استراتيجي
أصالة جديدة منحوته بفعل الشقا
"atm"بتحولنا الحضارة بالتدريج لكارت
أول الشهر المعد لساحة المعركة
فرتكة لآخر قرش
بقاق مفتوحة تسمح لنا بلف الساقية بانتظام محتوم
زحمة بقايا الناس متستفة في اكياس زبالة
بتسد عين الشمس
مبتديش لقلبي فرصة للتعرف على الروح اللي متخبية في اللقم المركونة جنب الحيط
إلا لما ألاحظ ايديه المتدربة ع النبش
بتخرج من مخلفاتنا التافهة دهب بيعيش عليه
صور طويلة بتعشني كل يوم
بترتجف من حقيقتي كـ قنطرةورّدّت للحياة من روحي وش جديد
بكرة اللي بتمناه سعيد
مرهون بأني أحافظ
علي سُكنة العصافير
فلازم وشي يطرح قمح.