1- أمريكا وصلتلها معلومات إن الشعب المصري بيكره مبارك و إن الشعب عايز يسقطه بس مش لاقى الطريقة إللى يسقطة بيها.

2- أمريكا بدأت تجند بعض النشطاء و تمولهم و دة دور منظمة "فريدم هاوس" الأمريكية بالإتحاد مع " أوتبور" و دى منظمة صربية أو المفروض إنها حركة للتغير و هى إللى قادت عملية التغيير السلمي في صربيا

3- شعار حركة "أوتبور" هو "القبضة" ودة بتستخدمة حركتين بس فى مصر "حركة 6 إبريل - حركة الإشتراكيون الثوريون".

4- فكرة التدريب إعتمدت على قلب نظام الحكم بـ "الاعنف" أى حرب ولكن بطريقة إللكترونية ثم كسر القبضة الأمنية و من بعدها إسقاط الجيش المصري ثم المخطط الصهيوامريكى لتقسيم مصر و كان الهدف من تقسيم مصر هو حل المشكلة الفلسطينية أى أعطاء الفلسطنيين سيناء ليعيشوا فيها فى سبيل تركهم إسرائيل لبناء مستوطنات داخل فلسطين و بالتالى تنتهى أمريكا من صداع المشكلة الفلسطينية بشكل كامل.

5- لازم نقر ونعترف إن الإخوان هما اللي خططوا وعملوا ثوره 25 يناير بمساعده النشطاء إللى ولائهم لأمريكا وولائهم لحل المشكلة الفلسطينية و مصالحهم الشخصية أكبر من ولائهم لمصر.

6- مبارك مذنب هو ونظامة ويستحقوا الحرق على اللى عملوه فى 30 سنة فى مصر.

7- لازم نعترف إن المخابرات الحربية هي اللي عملت تمرد ويوم 30 يونيو و إستخدموا نفس السلاح وهو جمع التوقيعات و عملوها لما عرفوا إن مرسي و الإخوان بيتخابروا على مصر لصالح أمريكا و حماس.

8- شعب مصر و الشباب اللى زى و زيك لا ليهم في الطور والطحين نزل هنا و نزل هنا كان هدفة يشوف بلده أحسن وبس.

عايز تصدق الكلام صدقة مش عايز براحتك كلامى مع المخابرات الحربية المصرية بشكل أوسع و يعرفة طارق الخولى 6 إبريل ودة كان أحد أسباب إنشقاقة عن الحركة و تعرفة نجاه عبد الرحمن و هى واحدة من اللى سافروا صربيا إتدربوا و كانت فى حركة 6 إبريل و هى إللى إتكلمت فى قناه المحور.

للأسف كرهنا لمبارك ووساختة نسانا مؤامرة كانت بتتعمل على مصر و على جيشها..  إحنا كنا كيس جوافة فى الحوار .. أة والله