author: Mohamed Abdus'Salam

name: حازم

average rating: 3.61

book published: 2014

rating: 4

read at:

date added: 2016/02/24

shelves:

review:
استمتعت بقراءة الديوان جدا
الكلام ذكي جدا ولامع
مربعات تعريب البؤساء شيء يستحق الثناء
قسم العامية مثال للشعر العامي المعاصر اللي ليه وزن
يجب تشجيع القلم ده علشان يستمر ويبدع


أعلنَت إلحادها يعبر عن مصر. دولة كفرت بدم شهداء الثورة وأهدافهم وكفَّرت اللي بقيوا

"سبعة:لا شيء
كان الوطن مفهوش أمل
ظلم الطغاة لا يُحتمَل"

"وسط البلد...
قُبح التحرش...
اللي خلى البنت تمشي تتلفت...
بحجاب، سوا من غير حجاب!
دم اللي ماتوا
واللي عكس الجاذبية...
لساه ينقط م النواصي للسحاب!"

"عاش القضا!
واللي محلتوش اللضا!
عاش الحرامي!
واحترامي للمخدر واللي باعه!
عاش الوطن!، عاشت رعاعه!
عاش الوطن!
بيإن في عهد اللي خانه
والثورجي الميت عشانه
عاشوا اللي عايشين زمبلك...
عاش الملك!، مات الملك!
عاشوا جميعًا في رباط القهر حبلُه
عاش الملك دا! واللي قبله...
واللي قبله...
واللي قبلُه...
واللي قبلُه..."

"يا شعب شايخ، وقاصر لسة في العشرين
الدين في طبعك، وأول من يسب الدين
حقك عليا، ما انا أصلي عبيط جدا
فاكر بكلمة حفوَّق شعب مسطولين"

"غيّر نشيد الوطن ياشعب واحدة ونص
عريان جعان حضرتك، والناس عليك بتبص
حتى الأمان اللي ماشي، عبد، تتمناه
خدعة كبيرة وعامة، وشرها بيخص

قولة"بلادي...بلادي"، أصبحت زفة
لما يجيها عريسها يمسك الدفة
لبست وجهزت فاهمُه جاي يعمل إيه!
والفعل واضح لعين الخلق لا يخفى

زفوها يلا وغنوا:"مصر مش تونس"
لا الصبر نافع، ولا ينفع دعا يونس
زيّن بلادك، ودخّلها على ظالم
وافرح، وهلل مهي أصلا بلد مومس!"

لكن الأمل زيّن ملحمة تعريب رائعة فيكتور هوجو البؤساء واللي حكت عن ثورة فاشلة

"
والعركة قايمة إلى اليوم
مِ الفوز إلى دي الخسارة
لا بدمن يوم ومعلوم
تنزَّف فيه البشارة"