“والإنكليز، الله يكسرهم، فقّروا أهل الفِلح بالضرايب، عن قصد منشان اللي عنده شقفة أرض يبيعها وتصفّي لليهود. شو ظلّ إلنا غير التعليم لحتى نصير ونكبر؟ قال ما بدو يروح عالمدرسة، وبدو يشتغل مع أبوه وإخوته؟! منشان تظل مشحّر طول عمرك، وإحنا معك مشحرين.. أوعى عمرك تقول الخراف.. أنت وأخوك حسن بدكم تتعلموا، وفي يوم من الأيام بدكم تصيروا أساتذة وأفندية، وتمشوا بين الناس لابسين بناطيل ورافعين روسكم، واحنا نرفع روسنا فيكم على اللي زي المختار وأبو عايد. فاهم؟”