Mai Abdelminem > Mai's Quotes

“قال الحرامي النبيه
لأخيه ..
خير من أن تلعن الظلام
إسرق فيه !!”
― وليد طاهر, حبة هوا...

“لك حبي
وفقري و بهدلتي و أقساطي
وانحطاطي وإحباطي من مرتبي
اللي مش كافي و ذلي
ودلدله كتافي
...وعيني المكسوره أدام ولادي
من قصر الأيادي
وفؤادي”
― وليد طاهر, حبة هوا...

“إذا إعتبرنا المخ بمثابة «حَلّة».. وإذا اعتبرنا الذكريات والتجارب بمثابة «الطبيخ» اللى فى الحلة.. عندها تصبح الحروف بمثابة «الصلصة» المهمة لجعل الطبخة متسبكة.. لم يعد ناقصا الآن سوى إضافة مكعب مرقة دماغك إلى تلك الطبخة.. ذلك المكعب الذى يحتوى على بصمات جيناتك الكتابيه وأسلوبك الخاص الذى يميزك عن الآخرين.. قليل من التقليب المستمر تصبح بعده الطبخه جاهزه لمرحلتها الأخيره.. مرحلة «التحابيش».. فالطبخه لا يزال ينقصها مشوار صغير إلى عطارة الروح.. تنقصها تلك التحبيشه المسؤوله عن الطعم النهائى خالص للطبخه.. القليل من بهارات المشاعر وملح الأحاسيس وفلفل الحكمه وزعتر التجربه.. الآن لم يعد متبقيا سوى شىء واحد هو القادر على جعل طبخة كلماتك الخاصه مختلفه عن طبيخ كلمات الآخرين.. ألا وهو «النَفَس».. الضمانه الوحيده لطبخة كلمات لا تشبه طبيخ أحد آخر!”
― خالد كساب

“يارب ليه
كل امافرحة
تزقني لقدام
حزن جديد
يرجعني لورا
يارب ليه كل مااحس
ان الحياة تمام
ححاجات كتير تحصل
تأكد كلها
ان الحياة
حاجة اخر مسخرة”
― خالد كساب, أنا راعي بقر وحيد

“خلف كل رجل عظيم امرأة خلته يطلع همه فى الشغل !!”
― عمر طاهر

“السؤال «تعمل إيه لو بقيت رئيس جمهورية؟!» أجابت «الواحد من فرحته ممكن يتنحى»”
― عمر طاهر

“البلد دي مالهاش توكيل، ماشية بدعاء الوالدين.”
― أحمد مراد, تراب الماس

“سؤال؛ هل تعرف الفرق بين حبيبة سابقة لم تظفر بها لأسباب تتعلق بسلوكك وحبيبة أصبحت زوجتك؟ الإجابة لا فرق.. إنه عشب الضفة المقابلة الذى سيبدو دائمًا وأبدًا أكثر اخضرارًا طالما لم تطأه قدمك.”
― أحمد مراد, الفيل الأزرق

“لو عايز الحاجة تتقال صح اديها لراجل
لو عايز الحاجه تتعمل صح اديها لست”
― عمر طاهر

“البنت اللي عينيها دبلانة
بتفرح بهدوء
وبتحزن بشياكة
وبتبقى قاصدة كل بصة
وبتبقى صادقة
وبتسيبك تغيب براحتك
وبتستقبلك لو رجعت ف أي لحظة
بعيونها الدبلانين”
― عمر طاهر, عرفوه بالحزن

“فيه فرق ما بين صبر العاجز
علشان مبقاش حاجة في إيده
وبين واحد أصلاً مش عايز
غير زي ما بس يعوز سيده”
― مصطفى ابراهيم

“كل ما حد يقولك عامل ايه ؟ قول الحمد لله مبسوط قوى... قولها بسرعة من غير ما تفكر وابتسم .. لوحدك هتتبسط فعلا”
― عمرو سلامة, شاب كشك في رحلة البحث عن الجادون

“أنا هو أنا ولديَّ أسبابي ،وليس لديَّ ما يجعلني ممتناً لك أو لغيرك. كل طموحي أن أبقى وحدي سليماً وأن يذهب العالم كباكيدج إلى الجحيم”
― أحمد العايدي, أن تكون عباس العبد

“إزاي هزهد في حاجا ماعييش؟
-ياحمار دي فضيله الاستغناء
وانا كنت استغنيت بمزاجي؟
أنا اسمي يئست ومستغنتش
إيه الزهد في إني أما أجي
أشتري ما بجيبش عشان ما لقتش؟
فيه فرق ما بين صبر العاجز
علشان مبقاش حاجه ف إيده
وبين واحد أصلا مش عايز
غير زي ما بس يعوز سيده
صدقني أنا زاهد بالصدفه .. أو من غير قصد
أنا طاير آه .. لكن علشان مش لاقي الأرض”
― مصطفى إبراهيم, المانيفستو

“75 ترانفيل
انا فاضل لسه معايا
كام ( اول مرة ) ف جيبى ؟
كام عود كبريت ف العلبة
مارضيش يولع ع الفاضى ؟
كام عود مالوش ولا سابقة
ف الحرق الا المرة دى ؟
اول مرة ادخل سيما مع بنت كانت ف اعدادى
كان كدة للموضوع قيمة
و بعديها خلاص بقى عادى
انا اسف جدا جدا
ع اول مرة اتحرقت
ع الفاضى و مش وياكى
و ابوسك اول بوسة
تتباس اصلا ف حياتى
و اتأسف بعدك تانى
ع اول مرة معاكى
و اتأسف تانى و تالت
ع كل كلام اتقال
و احرق ف حاجات اتقالت
كانت لازم تتشال
لبتوع الدور الجاى
و الجاى ابقى من الفايت
و ميت بيسلم ع حى
و الميت و ان كان تافه
ف بيفضل مالهوش زى
ف انا هفضل فاكر مى
و اول ايد بنت امسكها
و اول شيكولاتة هدية
و اول توصيل للبيت
و لحد ما فجأة لقيت
مش باقى معايا ف جيبى
غير كام ( اول ) يتعاش
لا اعرف ان كنت هشيلهم
ولا هابيعهم ببلاش
متشكر جدا جدا
ع وقتك تانى يا دكتور
- العفو يا سيدى اتفضل
و اديتنى روشتتى تانى
مشطوب منها اربع تسطر
- مش حاسس انك احسن
- من اخر مرة تجيلى ؟
مش حاسس اصلا حاجة
و ع ايدك اديلى
ساعتين عمال اتكلم
و مش فاكر نص كلامنا
- السبت الجاى معادنا ؟
لا دنتا الحد .. نسيت
- خد بالك بقى من نفسك
- و فيه دوا هنكرره تانى
انا اصلا هبقى كويس
و مفيش حاجة مضايقانى
و اخدت الباب ف اديا
و ما صدقت انى مشيت
.......................
كان فاضل لسه سيجارة
ف العلبة لقيتها معايا
بس استخسرت اشربها
قبل اما اوصل للبيت”
― مصطفى إبراهيم, المانيفستو

“لو دامت فى إيد غيرك ..
مكنتش وصلتلك ..
حصلت لميت واحد ..
زى أما حصلتلك ..
علشان كدة بزعل ..
لكن مبتأزمش ..
و ساعات كتير بفرح ..
لكن ما بتعَشّمش ..
ف حاجات ما بتدوّمش ..
الدنيا سوق كانتو ..
مفيهوش حاجات زيرو ..
و زبونه أنا و انتوا ..
علشان مفيش غيره ..
و انتا زبون عادى ..
ف مفيش حاجات مخصوص ..
و مفيش قميص واحد ..
فى الدنيا مش ملبوس ..
ميت مرة من قبلك ..
كل اللى هيقابلك ..
كان ماضى و اتسابلك ..
حتى الصحاب و الصيت ..
حتى الكلام الحلو ..
كله كدة يا عبيط ..
ماشى بنفس السلو ..
نظرتها ليك حتى ..
ساعة ما بصتلك ..
لو دامت لعين غيرك ..
مكنتش وصلتلك ..”
― مصطفى إبراهيم, ويسترن يونيون فرع الهرم