Heba Farouk-هبة فاروق > Heba Farouk-هبة فاروق's Quotes

“مكنتش فيكى المشكلة
ولا فى الظروف الصعبة
ولا طيش الشباب
المشكلة فيه أنا
أنا والنهايات السعيدة مش صحاب”
― ميسرة صلاح الدين, شباك خجل

“تتصور..... أنامتصورتش من مدة
علشان النظرة اللى في صورتى مبتريحنيش
تتصور.... أنامتكلمتش من مدة
علشان النبرة اللى في صوتى مبتطمنيش
وأنا زى مفيش رافض نفسه
متحامل جداً على نفسه
بيخاف ليجيله اللى في نفسه وبيخاف ميجيش”
― ميسرة صلاح الدين, شباك خجل

“لما شفتك جوه منى
قلبي حس الارتباك
أصله كان خواف بطبعه
وأنت طبعا مش ملاك
هو دا جرح الحكاية
وارتعاشاتي فى غنايا
وأنتي من بين الصبايا
عامله جوا يا اشتباك”
― ميسرة صلاح الدين, أنا قلبي مش فارس

“مفيش فى الدنيا ولا حاجة
عشان تتحب
عجوزة كئيبة محنية يعوجة ضب
وكل ما فيها بيزود وحاشتها
لكن مكارة وبتعرف تخش القلب”
― ميسرة صلاح الدين, أنا قلبي مش فارس

“كل حب وله ضحية كل شيخ بيقول يجوز
البنات عصافير شقية والجواز صياد عجوز”
― ميسرة صلاح الدين, أنا قلبي مش فارس

“من غير ما ابعت رسايل
قاعد..
مستنى...
رد”
― ميسرة صلاح الدين, أرقام سرية

“عايز تثبت اوى
ع الارض..
لازم تثبت من جواك”
― ميسرة صلاح الدين, أرقام سرية

“من صغرى بحب العسلية

واكمن عيونك عسلية

أنا حبيتك

على باب بيتك

واقف ومسمر رجليه

ونن عنيه

قصقص جناحاتة

فى شباكك

عصفور

و أتمحك فشباكك

مش عايز

حد يطلعني

إنما لو قلبك

يوم باعني

أنا حكبر

على كل مشاعري

وحبطل أكل العسلية .”
― ميسرة صلاح الدين, أنا قلبي مش فارس

“الشمس مبتبعتش نور
غير للى ناوى يشوف بجد”
― ميسرة صلاح الدين, شباك خجل

“وقرصة حزن ليل البرد
مقابلها بدفى ذكرى
كانت بتحلم بالامان
وتصدقه
فتمد احلامها على قد الغطا
تكفينى شر الحرج والذل والكافيه
مقفول يا باب الفرج مين يفتحك عافيه”
― ميسرة صلاح الدين, أنا قلبي مش فارس

“صاحبيني يا احزان احسن ماليش صاحب
في الدنيا دي مابقاش في حد يتصاحب”
― ميسرة صلاح الدين, أنا قلبي مش فارس

“كل ليل بيعدى اطول م اللى قبله
كل شمس تغيب خلاص مش راجعه تانى
كل حلم بينطفى من غير م أقابله كله ماشى الأ انا واقف مكانى”
― ميسرة صلاح الدين, أنا قلبي مش فارس

“كل البيوت صبحت إزاز
حتى الحيطان المايلة
زادت ع الطريق
واتبدلت كل الوشوش
بقناع برىء
مفضلش غيرها
شريطة سودة مكلفته
صورة ضماير ميتة
فى برواز”
― ميسرة صلاح الدين, أنا قلبي مش فارس

“النظارة السودة
القلب المتقفل دايما
بالأرقام السرية
العطر حيادى الأحساس
أنا دلوقتى
مسلح جدا
ممكن أواجه كل الناس”
― ميسرة صلاح الدين, أرقام سرية

“احتمالات التفرد فى القصيدة
تبتدى
لحظة خروجك وردة
من بين السطور”
― ميسرة صلاح الدين, أرقام سرية

“صباحك يا بلدي

صباحك شريف

يا وردة وحيدة

فى فصل الخريف

يا ست المداين

يا ورد الجناين

يا فجرى اللي باين

وظهر الضعيف

صباحك يا بلدي

صباحك شريف

هرست المدمس

فى حضن الرغيف

ومادد إيديا

بقســم فطارى

ما بيني وبينك

واكحل في عينك

ولما تمسى بسيبك وأمسى

وأسبلك سريري

وأبات ع الرصيف . .”
― ميسرة صلاح الدين, أنا قلبي مش فارس

“يا رب بحنى جبهتي
وبحس أنى عليت كتير
و فضعفى بلقى قوتي
والدمع توب ملهوش كبير
وأنت الكبير
ع اللي كبر
واللي فجر
واللي في ليل الخوف غدر
حتى القمر
بيصلى بنجوم السما
وأنت اللي بيك قلبي سما
عن كل أطماع البشر”
― ميسرة صلاح الدين, أنا قلبي مش فارس

“الحزن مربع ع السفرة
وبيغمس ف الحلم البايت
والهم بيخرج م التلاجة
وأوض النوم وبخار العيش
وأيدين العتمة مغمية على عيون الشيش
وأنا واقف على نفس مكاني
فى أبراج الصمت”
― ميسرة صلاح الدين, شباك خجل

“خروج الكلمة من قلبي على لسانك
ربيع أول
خروج الكلمة من قلبك على لساني
ربيع تانى
خروج الكلمة ع العالم
شموع بتحنى ضفايرها
مظاهر صعب تأويلها
خطوط بيضة وخطوط سودة
مكاحل عشق مفقودة
وبين الخرجة والعودة
مساحة كبيرة للتفكير”
― ميسرة صلاح الدين, شباك خجل