Amera Elsayed > Amera's Quotes

“كيف ترعرع في وادينا الطيب
هذا القدر من السفلة و الأوغاد ؟”
― صلاح عبد الصبور, ليلى والمجنون

“ما الفقر ؟
ليس الفقر هو الجوع الى المأكل او العرى الى الكسوة ،الفقر هو القهر
الفقر هو استخدام الفقر لاذلال الروح
الفقر هو استغلال الفقر لقتل الحب وزرع البغضاء”
― صلاح عبد الصبور, مأساة الحلاج

“هذا زمن الحق الضائع

لا يعرف فيه مقتول من قاتله ومتى قتله

ورؤوس الناس على جثث الحيوانات

ورؤوس الحيوانات على جثث الناس

فتحسس رأسك

فتحسس رأسك !”
― صلاح عبد الصبور

“واللي إنكتب بالجاف مبيتمسحش خلاص
و الدُنيا مفيهاش حرف بينكتب برصاص !”
― مصطفى إبراهيم

“بدون ما أعرف سبب واضح ...
عشان أزعل...
أنا زعلان !”
― مصطفى إبراهيم

“تفرانيل 100
انا شعرى غامق
بس قلبى مطقطق ابيض من زمان
جايز عشان
الناس ساعات بتلاقى ناس
تعرف تشوفها بجد
و انا قلبى لسه عمره ما اتكشف ع حد
بقابل اد ما اقابل
و افارق اد ما افارق
و ما اتعلمش
بلخبط ف الاسامى عشان
بخاف انسى
بلخبط ف الدنيا عشان
بخاف لا ما اعيشش
بقالى كتير ما بتكلمش
بخاف يبقى الكلام متعاد
ما كملتش ف اى رحيل
ما كملتش ف اى قعاد
و بدى للحياة بالكاد
ما يكفيها
و يكفينى
شرور البهدلة فيها
مليش ف البنت طلبات غير
تنسينى اللى قبليها
و بدخل ف حاجات تخاطيف
و عينى ع اللى بعديها
رقصت كتير ع السلم
بخاف اطلع
و اخاف من الارض
- اكيد الخوف مش الفكرة
و حتى يا ستى يعنى بفرض
اكيد الخوف مهواش عيب
طبيعى الناس تخاف من الغيب
و من المقدور
برغم كدة
بحب الضلمة اكتر ما بحب النور
ساعات بتمنى شقة ف برج شايفة النيل
و اوقات انى اعيش مستور
و بزهد .. ف كل ما ف الرحلة من زخرف
و ما زهدهاش
ما دام فيها رمق يتعاش
اكيد ف الرحلة يوم متحاش
و مستنى اعدى عليه
- و تعرف عنه اصلا اية ؟
مفيش غير انه لسه مجاش
بنام ؟
طبعا .. كتير جدا
و بالايام
و طول الوقت بحلم ان انا بجرى
و بشبع من الحاجات بدرى
و رغم كدة لسه ما شبعتش
من الجرى و من الاحلام
بخاف من الموت
عشان خايف ساعتها اكون
عبيط .. كل اللى سيبته كلام
بشوف افلام
عن الدنيا
و عن حكايات
لناس عاشت حاجات تانية
و عن حكايات لناس ماعاشوش
و بتأثر
و بتحسر
ع كل اللى كان ممكن
اكونه
بس ما بقيتهوش
ما سبتش شئ مجربتوش
ولا جربته و ما سبتوش
بحب العود
و احب الناى
و اموت و اعرف حقيقى ازاى
حاجات من دى
ساعات بتدب فيها الروح
من اللمس و من الانفاس
فتبقى حية اكتر من البشر و الناس
مفيش احساس
لحسن الحظ و لسوئه
ما بيعديش
مفيش ولا طعم حاجة من اللى بتدوقه
مسيره يعيش
بحلوه و بمره كله بيتسخط لمفيش
يا سبحان اللى بيعودنا ع الحاجة
فننساها
و بيخفف كاسات الناس
بميه بدال ما يملاها
عشان طعم اللى فيها يروح
عشان طعم اللى فيها يخف
يقولوا مجازا المجروح
اذا خد ع الوجع .. بيخف
تلف عليه سواقى الكون
تدوب اللى فات
ف الجاى
ف سبحانه اما قال
منها جعلنا
( كل شئ حى )
زمان فيه حد علمنا
ف درس الدين
دعاء بيقول :
يا خالق كل شئ ناقص .. كمالته معاك
يا شايل من الحاجات حتة .. بنترجاك
بحق المشهد الكامل
و اسمك اللى انا عرفته
تسيب اللى يكفينا
و تكفينا بما سبته
ما تحوجناش
لجاى مجاش
و ترضينا بما جبته
و ندعى وراه بصوت عالى
يرج الفصل رج خفيف
و اكمل دعوتى ف سرى
( و ترحم قلبى ف شيبته )
كما تدعو الفروع الاصل
دعوتها
ف كل خريف”
― مصطفى إبراهيم, المانيفستو

“يارب
ياللي سايبلي الحبل ع الغارب
أنا غرقان بدون قارب
ومعرفتش أعوم وحدي
وكل ما امدلك يدي
وتنشلني
وأعوم شبرين
إديا يفلفصوا الاتنين
وأقولك سيبلي انا الباقي
تسيبلي الحبل ع الغارب
تخش المية حلقي .. اشرق
فاصرخلك .. وأقول بغرق
وأقولك عمري ما حسيبك
فتنشلني
أعوم شبرين
إديا يفلفصوا الاتنين
وأسيب إيدك
وأعيد الكرّه ميت مره
وماتخذلنيش ولا مره
تقوللي حضنهم بره
لا عمره يساع دراع سيدك
ونا لسه
بسيب إيدك !”
― مصطفى إبراهيم, ويسترن يونيون فرع الهرم

“شئ ما نفقده دون ان ندرى فى لحظات الانتظار”
― محمد صادق, هيبتا

“الحب الحقيقى ..هو الحب الى كل الناس بتتعب فيه كل يوم وكل ثانيه عشان يعرفوا يوصلوا لنقطة تخلى الحياة "شبه حلوة..لان ببساطه شديدة..الحياة عمرها مابتبقى حلوة..بس بتبقى احلى مع حد مقدر وجودك ف الدنيا...”
― محمد صادق, هيبتا

“كل ثانية يوضع أمامك اختيار بسيط قد يجعل الحياة كلها مختلفة..
وكل ثانية تختار أن تؤجل القرار خوفا، فتظل كما أنت”
― محمد صادق, هيبتا

“مفيش احساس لحسن الحظ و لسوئه مبيعديش .. مفيش ولا طعم حاجة من اللى بتدوقه مسيره يعيش .. بحلوه و بمره كله بيتسخط لمفيش
يا سبحان اللى بيعودنا ع الحاجة فننساها .. و بيخفف كاسات الناس بميه بدال ما يملاها .. عشان طعم اللى فيها يروح .. عشان طعم اللى فيها يجف
يقولوا مجازا المجروح اذا خد ع الوجع .. بيخف .... تلف عليه سواقى الكون تدوب اللى فات ف الجاى
فسبحانه لما قال منها جعلنا ( كل شئ حى )”
― مصطفى إبراهيم, المانيفستو

“و أسمع حكايات صاحبي الأنتيم ..
و نكلم بعض ..
و اسرح و ادوس علي حرف الميم ..
دوستين ورا بعض ..
و بسيبه ساعات ..
لما ازهق من كتر الحكايات ..
و اكتبله حاجات ملهاش معنى ..
زي الشفرة ..
و ابعت للناس ف وشوش صفرا ..
و ازعل منها ف أكتب طيب ..
و أزعل اكتر ف أكتب ماشي ..
و براحتك اصلا ..
انا ماشي ..
و أما اضحك ادوس علي حرف ال هه ..
و علي قد الضحكة افضل دايس ..
أزعل ملاقيش للحزن زرار ..
و برغم بإني معبّي وشوش ..
فعلا ملهوش .. ازاي حختار ؟ ..
فيه وش واحشني و عمره ما جه ..
مصطفى بيبقولك ..
ب ..
ر..
ب..
فيرد يقولي ..
ت ..
ي ..
ت ..
ف أطلع و اقفل نور الأوضة ..
و اسند بدراعي علي الشباك ..
و ابص لفوق ..
و اتمنى ساعتها اكون وياك ..
و اسرح .. و افوق ..
و أما أزهق م الوقفة لوحدي ..
إكمن مفيش حد معدي ..
ف بطلع شباك الدنيا ..
و اكتبله "أنا باك" ....”
― مصطفى إبراهيم

“فرق السرعات جوا الدايرة
بينك و ما بين كل الماشيين
هو اللى هيقدر يضمنلك
إن انتا تقابل ناس تانيين”
― مصطفى إبراهيم, المانيفستو

“تفرانيل 50"

أنا بفضل دايما للآخر
ف جيمات الكونكان والشايب
و ف كشف الحاضر والغايب
وف حجز شقق مصيف بلطيم
أنا آخر تايب في اصحابي
وآخرهم ف الصلا ف التسليم
وف دور المدرسه في التطعيم
وفي وقت السين
أنا آخر جيم
أنا جرح قديم...كان متغطي
إكمني مشتي ولابس كم
سبتني الدنيا بستين أم
وسبتلها ميت مِلّه ودين
ولحد ماتميت ست سنين
أنا كنت بحب البني آدمين
وكرهت الناس من بعديها
علشان نسّوني أنا أصلاً مين
مش فاكر إمتى حقيقي بدأت
إنما فيه فتره فاكرها طشاش
كان فنجان قهوتي مابيفضاش
وبكلم ربنا طول الوقت
عمري ماصدقت بنات غير ريم
ويمكن دلوقتي ما اصدقهاش
آخر مره
شفتها فيها
كانت تقريبا بتعزل
و كان فيه سواق تاكسي منزل
ف شنط ناس حتحل مكانها
ووشوش بني آدمين معرفهاش
أنا ريم يمكن كانت قدي
أيامها... لكن دلوقتي أصغر
عارفه إن أنا يوميا بكبر ؟
وبعجز إكمني مابنساش
أنا فاكر أيام بالميللي
أنا فاكر أيام بالتفصيل
أنا فاكر يوم دفنة أختي
حتصدقي..؟ أكتر مافاكرها
وساعات بنسي ف ليله كبيرها
أنا فاكر شقة قصرالنيل
ومش فاكر حد من السكان
من صغري وعمري مابنسي مكان
أنا أصلاً فاكر بيت شادي
مع إني مازورتوش غير مره
بأمارة فيه برواز بره
كان جواه صورته ف إعدادي
كان لسه ساعتها طالعله شنب
ونا حاسس إني طلعلي أتب
من تقل الشيله و م التفكير
معلش أنا آسف برغي كتير
وبسف ف وقتك وف وقتي
أنا حاسس بدماغي بتتقل
أنا نفسي أنام
أنا عاوز أروّح دلوقتي
متشكر جداً ع الجلسه
حنكمل إمتى علاج طيب ؟
لازم حنشوف بعض قريب
أنا ماشي...
سلام”
― مصطفى إبراهيم

“قلبك في قديمك وجديدك
تلقي الموضوع كله في إيدك
بتعيد نفس الحركات ف الدور
وبتستغرب لما يعيدك”
― مصطفى إبراهيم , المانيفستو

“للأسف من صغر سني
علتي .. بزهق قوام
ابتدى و أسخن لكنى
بعد فترة أبرد و أنام
كله في الأول بميل له
و كله في الأخر بمله
حتى لو كان شئ فاضله
خطوة واحدة ع الختام”
― مصطفى إبراهيم, ويسترن يونيون فرع الهرم

“تحتك فى ناس عايزة الأمل .. مش عاوزه ؟ سيبهولهم”
― مصطفى إبراهيم, المانيفستو

“ياشعب مستناش
خد حقه بدراعه .
ياوطن مبيسعناش
واحنا اللي بنساعه.
الدم لون واحد
مفيهوش عبيد ولا سيد
وان بعتوا دم شهيد بكره ... هتتباعوا”
― مصطفى إبراهيم, المانيفستو

“أنا أصلاً هبقى كويس
و مفيش حاجة مضيقانى”
― مصطفى إبراهيم, المانيفستو

“البقاء لله يا صاحبى
شد حيلك ..كله فانى
وابقى قول لو عوزت حاجة ..وانت عارف فين مكانى
وإحنا أهل مفيش كسوف
حد ضامن الظروف ؟!
وانتا عارف
عينى ليك
واحنا عشرة
وعيب عليك
إنتا خيرك برضه سابق
واللى بينا مش شوية
واللى راح كان زى أخويا
وكان جدع ويخاف عليا
وكنت أحس إيه مضايقه وهو جاى من بعيد
وكان فاهمنى زيى وأكتر
وكنت أنا صاحبه الوحيد
من وكنا صغيرين
إتناقشنا فـ كل حاجة
كورة ..فن ..سياسة ..دين
وله معايا ..ميت حكاية
وذكريات ملو السنين
وربنا يجمع ما بينا فـ حتة أحسن
قول آمين .
هو مين بيعزى مين !
ولا اعزى ازاى فـ دمى
ع العموم متشيلش همى
وخلى بالك بس منى
مش بقول تنساه لكنك
عارف إن الدنيا ماشية
وبكره نبقى كويسين
وابقى زوزره كل جمعة
واقرا عدية يس
وانتا عارف
لو هينفع
كنت أجيلك
والبقاء لله يا صاحبى
وشد حيلك
اللى فات ..
نص تلغراف وصلنى من ساعات
وكان عزا نصى اللى عايش ليا
فـ النص اللى مات”
― مصطفى إبراهيم

“لا معنى للفرحة مالم تقسمها مع أحد فتصبح أكبر على عكس قانون القسمة”
― عمر طاهر

“عندى صحيح حاجات كتير
لكن ناقصنى حاجات أكتر
ناقصنى إني أقدر أطير
و أنا عارف أنى فى يوم هقدر”
― عمر طاهر

“لأن الله رحيم فقد منحك عندما خلقك ما لم يمنحه للجبال، منحك ما يجعلك أقوي من الجبال، منحك - وكما يفعل المحبون - قطعة من روحه.”
― عمر طاهر

“الموبايل يستحقه
اللى يقدر يقفله”
― عمر طاهر

“الواحد محتاج ايه بالظبط
عشان يكون علي طول مبسوط ؟
سؤال طول ماانت
مش عارف اجابته
عايش
ولوعرفت
تموت”
― خالد كساب, أنا راعي بقر وحيد

“قدامك انسان قلقان دهاليز قلبه للآن لم تكتشف بعد
دلوقت بعد ما حذرتك منى .. نقدر نحب بعض”
― خالد كساب, أنا راعي بقر وحيد

“الحب
زي رسمة ذبذبات القلب
لو ماشية زجزاج
يبقي القلب سليم
وان فجأة بقت خط مستقيم
ماشي في ثبات
يبقي للاسف
القلب مات”
― خالد كساب, أنا راعي بقر وحيد

“منهك هو الإشتياق للموتى،اذ ليس ثمة طريقة لأن نحتضنهم، أو نصل إليهم، أو نسمعهم نحيبنا، أو يروا آثار بكائهم في أعيننا ..يظل رثاء الأموات بارد كأجسادهم! موجعاً أنك مهما بلغت من الحزن أقصاه .. لن تصل روحك حتى لأطراف السماء الاولى .. حيث هم "فوقك" بكثير !”
― رفاه السيف, رئة واحدة

“أنا كائن من طين .. إلا أن كل الكائنات المخلوقة من الطين مثلي لم تعد تراني”
― رفاه السيف, رئة واحدة

“أسوأ ما قد أدركه، أني فقدت اليقين فيك! وأني سأنظر الى عينيك يوماً ولن أرى سوى الفراغ والوحشة، وسأعجز عن رؤية الروح التي كنت أتكوّر داخلها”
― رفاه السيف, رئة واحدة