Faisal Selim > Faisal's Quotes

“في بلد غير بعيد عنا وضعت أشد القواعد صرامة وحزماً لمنع اختلاط النساء بالرجال . وطبقت قواعداً حاسمة لكيلا تقع الخطيئة الكبرى وهي اختلاط الجنسين . ومع ذلك فالنتيجة الواقعية التي نعلمها جميعاً هي أن مجتمع هذا البلد يشهد من الاختلاط المحـرم ( رجال ونساء + رجال ورجال + نساء ونساء ) ما لا مثيل له في أكثر المجتمعات تحرراً . وهو ما يثبت ان " التنظيم الوحيد " للطبيعة الانسانية انما يتحقق من خلال التربية والتثقيف والرقي العقلي وليس بالعصا (!).”
― طارق حجي

“طعم الحنين ..مُر
ولساني
فيه حنين”
― سيد حجاب, مختارات من شعر سيد حجاب

“الشمس فاكهة الشتا
الحب .. فاكهة الربيع
مين يشتري حكمة حياتي الميتة
ويردني رضيع ؟”
― سيد حجاب, مختارات من شعر سيد حجاب

“يا أصحابي عجّزنا كده ..
قبل المعاد !
يا أصحابي ما تبكوش علي كتوفي
بقول
أنا عمري ماكنتش جمل صلب
اسمعوا
أنا مكنتش يوم شيال الحمول
اتعتعوا
ووسعوا لي ف صدركم
حتة عليها انحني
وأقول كلام بيهزني
بيغلي جوايا ونفسي أطلعه
يا أصحابي .. لا .. متوسعوش
ليا أنا
داحنا يادوبك كل واحد مننا
بيقول كلامه
وهو برضو يسمعه
يا أصحابي آه .. حتي الجمل
بما حمل
ميّل .. ونخّ”
― سيد حجاب, مختارات من شعر سيد حجاب

“قلبي سرح
ويا الشبك لما انطرح
والنجم وسط الريح
يشاور ع الطريق
زي الصديق
ياريت يا نجم السكة
تصبح بجناحين
وتطير .. تطير .. معرفش فين
لكن تطير
وتاخدني وياك في بحور
غير دي البحور”
― سيد حجاب, مختارات من شعر سيد حجاب

“الليل علي مداين حزينة اتفرش
الليل .. بضافر قسوته
في قلبي هبش
نفسي اتكرش
وكل شيء في الدنيا كش ّ”
― سيد حجاب, مختارات من شعر سيد حجاب

“في بحيرتنا المليانة بحيرتنا
بتنوح الريح .. يادي الصرخة
كنا كتمناها في صدورنا
لما انقطمت تحت حمول الهم ضهورنا”
― سيد حجاب, مختارات من شعر سيد حجاب