الثائر المصرى

“الشمس فاكهة الشتا
الحب .. فاكهة الربيع
مين يشتري حكمة حياتي الميتة
ويردني رضيع ؟”
― سيد حجاب, مختارات من شعر سيد حجاب

“ماتت غناوي فرحة البنّية
لا المسلمين صلوا علي قبرها
ولا النصاري صلصلوا بالجرس
ولا حوطت جسمها المنهوك
بنادق الحرس
يا ويل بلد بيضيّع المقتولين
يا ويلكم .. وبصوا
دمي فوق كفكم
ح يزفكم بالدم .. متجرسين !”
― سيد حجاب, مختارات من شعر سيد حجاب

“يا اصحابي .. ولا تستغربوا
دانا كلي شوق
شوقي سؤال
سؤالي إيد
بتدق باب
وكام أيادي تدق باب .. بلا جواب !”
― سيد حجاب, مختارات من شعر سيد حجاب

“جدي ما كان جندي
ونينتي بنت مصر
ولا جد جدّي
كان من الغُزّ المماليك ابن قصر
حتي ابني
وابني في بطون الغيب جنين
باشم فيه ريحتك يا مصر”
― سيد حجاب