Sajda

“خد عقلك عامل مشترك
شيل مشاعرك من المعادلة
خد جذر اللي بيصيرك
قفلت؟
متبصش ف مثالها المحلول
فاكر تعبك
الأرق؟
إقسم على ندمك طيره
يتبقى قلبك
إقسم ع اللي يحيره
وأقسّم على نسيانها
تكسر ساعتها الرتم
ساوي ال
(ex)
بصفر
خد للماضي لوغاريتم
وعيد النظرة
شايف كام سنة؟
سنين
ساوي الطرفين
تلاقي إنك مش محتاج تتغير
ومحتاج تنسى اللي غيرك!”
― عبد الحميد عبد اللطيف

“كفاية تجرجر الماضي
وتكرر اللي انقضي
وكلامك المليان
ليه تقوله للفاضي؟
!وانت عارف رد الصدي”
― عبد الحميد عبد اللطيف, العد التنازلي للأيام

“وحشتيني قد البحر
وحشتيني قد الحوت
فرق السما والأرض
فرق الحياة والموت
لما تكوني هنا
ولما تكوني بعيد
وتوحشيني”
― عبد الحميد عبد اللطيف, عصافير الجنة

“الشوشرة ساعة الصفاء
عمرها ما تصيبك
لو انت ف حالة رضا وإكتفاء
والدوشة اللي عمالة
ف راسك شغالة بتزعجك
وبتسمعها وسايب
النغمة اللي بتعجبك
ده ف حد ذاته غباء!”
― عبد الحميد عبد اللطيف, العد التنازلي للأيام