Mawada Sheta

“حقّك اني استنىَّ قلبِك
يوم ومين شهرين سنه للعمر كلـُّه
واني اشِيل مِن شوقنا شوكنا
وْتاخْدي بسّ الشوق وفُلـُّه”
― أشرف توفيق

“أبعد نُقطة بِالنِسبالك
جُوَّا الدايرة... هِيَّ مكانك
ولأن أساساً ف الدايرة
هنا هوَّ هناك
ف طبيعي تحس انك عايش
باتنين جُوَّاك”
― مصطفى إبراهيم, المانيفستو

“..يا نبْض النبْض فيَّه.. وْحِلم عمري وْفرحتُه
..لو يوم رماكِي اليأس في إْيدين الملَل
..ونَدَه خلاص قلبِك عليكي بْدون أمَل
..هاتي الرسايل.. والهدايا.. والصوَر
..بصّي بْخيالِك عَ اللي فات.. والذكريات
..افتِكْري ضحكةْ قلبنا فْ يوم اللُّقا
..افتِكري دمعة قلبنا فْ يوم الشّقَا
..افتِكري كلّ شريط حياتنا وحبِّنا
!!وانسِيه بقَى
..انسِي حبيب ضيَّعْتِي قلبه بْدون سبَبْ
..كان كلّ ذنبُه
..إنُّه قال لِك لمّا شافْ قلبِك تِعِبْ
..استحمِلي"
..جاي لِك معَ الفجر اللي راجِعْ
... "مهما مُوج بحرِك عِلِي”
― أشرف توفيق

“يا ناس يا عبط يا عشمانين..
ف فرصه تانيه للقا..
بطلوا اوهام بقي..
وكفايه أحلام واسمعوا..
عيشوا بذمه و ودعوا..
كل حاجة بتعملوها..
وكل حد بتشوفوه..
وكل كلمه بتقولوها..
وكل لحن بتسمعوه..
عيشوا المشاهد... كل مشهد..
زي مايكون الأخير..
واشبعوا ساعة الوداع ….
واحضنوا الحاجه بـضمير..
دا اللي فاضل مش كتير ….
اللي فاضل..
مش كتير”
― مصطفى إبراهيم, ويسترن يونيون فرع الهرم