Amera Elsayed

“مين بقي فاضل معاك ؟
حبة باعوا لليهود
حبة باعوا لآل سعود
وانت يا شعبي كعادتك
عمر ما حد اشتراك
مشيوا أصحاب المصالح
ومشيوا ثوار السواك
والميدان دايما كعادته
مش هيفضل فيه ... سِواك”
― مصطفى إبراهيم, المانيفستو

“بقابل قد ما بقابل
و أفارق قد ما بفارق
و ما اتعلمش”
― مصطفى إبراهيم, المانيفستو

“تفرانيل 100

انا شعرى غامق
بس قلبى مطقطق ابيض من زمان
جايز عشان
الناس ساعات بتلاقى ناس
تعرف تشوفها بجد
و انا قلبى لسه عمره ما اتكشف علي حد
بقابل اد ما اقابل
و افارق اد ما افارق
و ما اتعلمش
بلخبط ف الاسامى عشان
بخاف انسى
بلخبط ف الدنيا عشان
بخاف لا ما اعيشش
بقالى كتير ما بتكلمش
بخاف يبقى الكلام متعاد
ما كملتش ف اى رحيل
ما كملتش ف اى قعاد
و بدى للحياة بالكاد
ما يكفيها
و يكفينى
شرور البهدلة فيها
مليش ف البنت طلبات غير
تنسينى اللى قبليها
و بدخل ف حاجات تخاطيف
و عينى ع اللى بعديها
رقصت كتير علي السلم
بخاف اطلع
و اخاف من الارض
اكيد الخوف مش الفكرة_
و حتى يا ستى يعنى بفرض
اكيد الخوف مهواش عيب
طبيعى الناس تخاف من الغيب
و من المقدور
برغم كدة
بحب الضلمة اكتر ما بحب النور
ساعات بتمنى شقة ف برج شايفة النيل
و اوقات انى اعيش مستور
و بزهد .. ف كل ما ف الرحلة من زخرف
و ما زهدهاش
ما دام فيها رمق يتعاش
اكيد ف الرحلة يوم متحاش
و مستنى اعدى عليه
و تعرف عنه اصلا اية ؟_
مفيش غير انه لسه مجاش
بنام ؟
طبعا .. كتير جدا
و بالايام
و طول الوقت بحلم ان انا بجرى
و بشبع من الحاجات بدرى
و رغم كدة لسه ما شبعتش
من الجرى و من الاحلام
بخاف من الموت
عشان خايف ساعتها اكون
عبيط .. كل اللى سيبته كلام
بشوف افلام
عن الدنيا
و عن حكايات
لناس عاشت حاجات تانية
و عن حكايات لناس ماعاشوش
و بتأثر
و بتحسر
ع كل اللى كان ممكن
اكونه
بس ما بقيتهوش”
― مصطفى إبراهيم, المانيفستو

“الحقيقة أن الرجل المعاصر هو الذى تحجب ! لقد اختار الانسحاب لنفسه ولأسرته من حياة معقدة مربكة، والارتداد الى صورة عن ماضى اكثر بساطة وايسر على الفهم فضلا عما يعد به هذا الارتداد ايضا من سلام وطمأنينة ينتظرانه فى الجنة. الانسحاب هو بديل للجنون والانتحار والمخدرات. وبالنسبة للمرأة هو أكثر هذه الاشكال امانا وقبولا من المجتمع. وهو على اية حال اختيار اقل درامية من ذلك الذى تقدم عليه اختها المسيحية عندما تدخل الدير!”
― صنع الله إبراهيم, أمريكانلي