قهوة سادة

“حُزن يا بقّال ورا الجـامع .. هات بنص ريـال عسـل ف الكوز
خد سنين الجري وسنيني .. هات لي سن غزال دهب عيني ..
قطّع الأسفلت شراييني .. هـات بيــاض القطن شـاش اللوز
دا اللي كـان عيِّل بقا شــاعر .. واللي كــان ضـاحك بقا أراجـوووز”
― خالد عبد القادر, سيرة الأراجوز

“نشبه لإيه؟؟
نشبه لأي إتنين يحبوا و ميقولوش!
نشبه لإيه؟
لإلي خايفين يحلموا ف مبيعيشوش
و ملقوش طريق يتقابلوا فيه..نشبه لإيه؟
نشبه حكايات عيشتها..أو حلم ناقص و إنتهى..
نشبه حاجات مش وقتها..أو جرح متعود عليه
نشبه لإيه؟!”
― مصطفى إبراهيم

“يارب
ياللي سايبلي الحبل ع الغارب
أنا غرقان بدون قارب
ومعرفتش أعوم وحدي
وكل ما امدلك يدي
وتنشلني
وأعوم شبرين
إديا يفلفصوا الاتنين
وأقولك سيبلي انا الباقي
تسيبلي الحبل ع الغارب
تخش المية حلقي .. اشرق
فاصرخلك .. وأقول بغرق
وأقولك عمري ما حسيبك
فتنشلني
أعوم شبرين
إديا يفلفصوا الاتنين
وأسيب إيدك
وأعيد الكرّه ميت مره
وماتخذلنيش ولا مره
تقوللي حضنهم بره
لا عمره يساع دراع سيدك
ونا لسه
بسيب إيدك !”
― مصطفى إبراهيم, ويسترن يونيون فرع الهرم

“أبحث عن حياة جديرة بالحياة”
― إليف شافاق, The Forty Rules of Love