نهال أباظة

“ناس ترمى الحَب للحمام وناس تدبحه
وناس تروح مع الأيام ننساها وتنسانا
وناس تكمل معانا.. زى النسيم.. يطبطب علينا
فى عز ما احنا بنجرحه !”
― علي سلامة

“الجو نار ...
والرطوبة ..
طوبة ...
ملزوقة ف قفايا ..
سايق …
و محدش معايا ...
غيري أنا ...
والذكريات ..
وحبة حاجات ..
إزازة الميه ..
ونظرة عينيا ...
اللي شايفها ...
في المرايا ...
بتبص لي ..
من وقت للتاني بغباء ..
كأنها عارفة الحكاية ..
أو واخدة بالها ...
م الطريق ....
مر السفر ....
من غير صديق ...
أول شمال ...
إرجع ولف ...
الغنوة سكتت ...
و الشريط ....
عمال يسف ..
وإزاي تخف ...
يا ألم من غير جراحة ..
آدي استراحة ...
دماغي محتاجة الصراحة ...
وقلبي محتاج الحنان ...
إركن هنا ....
اشرب ياعم قهوتك ..
ويالا عشان ...
نلحق مكان ..
قبل الغروب ..
وإوعي الردار يسحب ..
ف لحظة غنوتك ...
معدش فاضل ....
في الطريق ....
ولا إستراحة .......”
― علي سلامة

“ناقص حته
وكل ما أوزن
ألاقي لسه
ناقصلي حته
أحط حته
تقل حته
وأجيب قميص
تضيع چاكته
وأعيش لي ساعة
يفوتني سته
وكل ما أوزن
ألاقي ناقص
أقول بناقص
لو هي حته
أتاري لسه
ولسه تاخد
سنين وحته
وحاجات تسيبني
وحاجات تاخدني
لحاجات تخبط
في كل حته
وأقول ها نفرح
ف يوم
ها نفرح
ويوم مانفرح
علي الله يفضل
في القلب حته”
― علي سلامة, ناقص حتة

“كنت فين يا علي ...
أمك بتدور عليك ...
كنت باحفظ ف الحروف ...
غصب عني و ع الظروف ...
خدوا دوري فى الصفوف ...
وإنتي لسه بتسألي ..
كنت فين يا علي ...
كنت باحلم بالوظيفة ...
والحرير تحت القطيفة ..
الحياة طلعة مخيفة ....
كدبة بنت آرندلي ....
كنت فين يا علي ...
كنت بسأل إيه اللي صار ...
بره جنة .. وجوه نار ...
و عرفت إيه معني إستعمار ...
من غير مدفع ولا عسكري ...
كنت فين يا علي ....
كنت ماشي بدون بطاقة ....
لا عندي شوق ولا عندي طاقة ..
بسألك وبدون إساءة ..
إمتي تاني تنوري ....
كنت فين يا علي ........”
― علي سلامة