“كنت فين يا علي ...
أمك بتدور عليك ...
كنت باحفظ ف الحروف ...
غصب عني و ع الظروف ...
خدوا دوري فى الصفوف ...
وإنتي لسه بتسألي ..
كنت فين يا علي ...
كنت باحلم بالوظيفة ...
والحرير تحت القطيفة ..
الحياة طلعة مخيفة ....
كدبة بنت آرندلي ....
كنت فين يا علي ...
كنت بسأل إيه اللي صار ...
بره جنة .. وجوه نار ...
و عرفت إيه معني إستعمار ...
من غير مدفع ولا عسكري ...
كنت فين يا علي ....
كنت ماشي بدون بطاقة ....
لا عندي شوق ولا عندي طاقة ..
بسألك وبدون إساءة ..
إمتي تاني تنوري ....
كنت فين يا علي ........”