Aya Mohamed

“وقف الشريط في وضع ثابت
دلوقت نقدر نفحص المنظر
مفيش ولا تفصيلة غابت
وكل شيء بيقول وبيعبر
من غير كلام ولا صوت
أول ما ضغط الموت
بخفة وبجبروت في يوم أغبر
علي زر في الملكوت
وقف الشريط في وضع ثابت
دلوقت نقدر نفحص الصورة
انظر تلاقي الراية منشورة
مِتْمَزّعة لكن ما زالت فوق
بتصارع الريح اللي مسعورة
وانظر تلاقي جمال
رافعها باستبسال
ونزيف عرق سيال علي القورة
وف عنفوان النضال
وقف الشريط في وضع ثابت
انظر اليه شوف قبضته السمرة
وعيونه ثورة مكحلة بثورة
وصدره عرض الأرض حاضن مصر
والشام وليبيا وتونس الخضرة
والقصبة وفلسطين
والأردن المسكين
والبحر والبساتين والصحرا
وف عز طحن السنين
وقف الشريط في وضع ثابت
انظر وشوف ع المهل بالراحة
الشمس وسط القبة قداحة
وناس بعيد في الظل مرتاحة
ومصر واقفة صبية فلاحة
علي كتفها بلاص
فيه ألف تقب رصاص
والميه منه خلاص
شلالها في الرمل غاص
صبية حلوة كأنها تفاحة
لكنها م الحزن دابت
وسط السواد ندابة نواحة
ولما هل بطلها في الساحة
بالحب والاخلاص
وقف الشريط في وضع ثابت
خلي المكنجي يرجع المشهد
عايز أشوف نفسي زمان وانا شب
داخل في رهط الثورة متنمرد
ومش عاجبني لا ملك ولا أب
عايز أشوف من تاني واتذكر
ليه ضربة من ضرباتي صابت؟
وضربة من ضرباتي خابت
وضربة وقفت بالشريط في وضع ثابت؟
قال المكنجي: رجوع مفيش
عيش طول مافيك أنفاس تعيش
وبص شوف ..
ركن الشباب صفوف صفوف
ركن الشباب في السينما بيصفر
مفيش وقوف
ركن الشباب فيه ألف مليون شب
ومش عاجبهم لا ملك ولا أب ..
انظر إليهم
وأنت تتذكر”
― صلاح جاهين

“عندما سُئل ناجي العلي عن موعد رؤية وجه حنظلة أجاب: عندما تصبح الكرامة العربية غير مهددة، وعندما يسترد الإنسان العربي شعوره بحريته وإنسانيته”
― ناجي العلي

“كلما زادت معرفتي بالعالم , كلما تيقنت بأني لن أجد رجلاً أحبُّه بحق!”
― جين أوستن, Sense and Sensibility

“To live in the world without becoming aware of the meaning of the world is like wandering about in a great library without touching the books.”
― Dan Brown, The Lost Symbol