Rasha Saeed

“مفيش احساس لحسن الحظ و لسوئه مبيعديش .. مفيش ولا طعم حاجة من اللى بتدوقه مسيره يعيش .. بحلوه و بمره كله بيتسخط لمفيش
يا سبحان اللى بيعودنا ع الحاجة فننساها .. و بيخفف كاسات الناس بميه بدال ما يملاها .. عشان طعم اللى فيها يروح .. عشان طعم اللى فيها يجف
يقولوا مجازا المجروح اذا خد ع الوجع .. بيخف .... تلف عليه سواقى الكون تدوب اللى فات ف الجاى
فسبحانه لما قال منها جعلنا ( كل شئ حى )”
― مصطفى إبراهيم, المانيفستو

“كنت أحب وعندما يحب الإنسان ، لا تنكر منه فعلاً أياً كان”
― يوسف السباعي, بين الأطلال

“لملم خسايرك لما تخسر
و انوى اللى بعديها تاخد زمن اقصر
من انه يعمل ذكرى بعدها تبكيك”
― مصطفى إبراهيم, المانيفستو

“75 ترانفيل
انا فاضل لسه معايا
كام ( اول مرة ) ف جيبى ؟
كام عود كبريت ف العلبة
مارضيش يولع ع الفاضى ؟
كام عود مالوش ولا سابقة
ف الحرق الا المرة دى ؟
اول مرة ادخل سيما مع بنت كانت ف اعدادى
كان كدة للموضوع قيمة
و بعديها خلاص بقى عادى
انا اسف جدا جدا
ع اول مرة اتحرقت
ع الفاضى و مش وياكى
و ابوسك اول بوسة
تتباس اصلا ف حياتى
و اتأسف بعدك تانى
ع اول مرة معاكى
و اتأسف تانى و تالت
ع كل كلام اتقال
و احرق ف حاجات اتقالت
كانت لازم تتشال
لبتوع الدور الجاى
و الجاى ابقى من الفايت
و ميت بيسلم ع حى
و الميت و ان كان تافه
ف بيفضل مالهوش زى
ف انا هفضل فاكر مى
و اول ايد بنت امسكها
و اول شيكولاتة هدية
و اول توصيل للبيت
و لحد ما فجأة لقيت
مش باقى معايا ف جيبى
غير كام ( اول ) يتعاش
لا اعرف ان كنت هشيلهم
ولا هابيعهم ببلاش
متشكر جدا جدا
ع وقتك تانى يا دكتور
- العفو يا سيدى اتفضل
و اديتنى روشتتى تانى
مشطوب منها اربع تسطر
- مش حاسس انك احسن
- من اخر مرة تجيلى ؟
مش حاسس اصلا حاجة
و ع ايدك اديلى
ساعتين عمال اتكلم
و مش فاكر نص كلامنا
- السبت الجاى معادنا ؟
لا دنتا الحد .. نسيت
- خد بالك بقى من نفسك
- و فيه دوا هنكرره تانى
انا اصلا هبقى كويس
و مفيش حاجة مضايقانى
و اخدت الباب ف اديا
و ما صدقت انى مشيت
.......................
كان فاضل لسه سيجارة
ف العلبة لقيتها معايا
بس استخسرت اشربها
قبل اما اوصل للبيت”
― مصطفى إبراهيم, المانيفستو