Yasmin Saad

“هل هذا هو ما مات الناس من أجله؟ هل هذا ما أضاع الناس سنوات عمرهم لتحقيقه؟ أين النهضة التي أردناها لأنفسنا وبلدنا؟ أين الحريات التي قُتل الناس من أجلها؟ وأين العدالة الإجتماعية بعد ست سنوات من الثورة وعدم الاستقرار؟”
― عزالدين شكري فشير, باب الخروج: رسالة علي المفعمة ببهجة غير متوقعة

“الآن لا خوف ولا طمأنينة. لا حزن و لا فرح. لا حب و لا كره. لا إفراط و لا تفريط! ستعيش في الوسط المريح، مثلها مثل كل الناس.”
― بهاء طاهر, نقطة النور

“شفت كفه عامل إزاي م الشقا؟

شفت جلده والكعوب متشققة؟

شفت ضهره وهوا محني

وشكله عامل حرف إل؟

شفت بقه لما يضحك

كل ضحكة سنان تقل؟



شفت شعره أبيض إزاي م اللي شافه؟

و لما كح دم إزاي الكل خافوا؟

شفته طبطب ع العيال

إزاي وهما بيلعبوا؟

و خاف عليهم قد إيه

م اللف لحسن يتعبوا؟

شفته ف صوان العزا

عمال يدوّر ف الوشوش

على حد لسه يعرفه

على حد لسة مودعوش

شفته ودع كام صديق..

و كام حبيب؟

و كام قريب؟

و دعوته وسط الصلاة

يا رب متسبنيش غريب

خدني أتونس معاهم

كله راحلك إلا أنا

وإن كان لسه ف العمر باقي

طب فاضللي كام سنة؟

آسف....أنا مش قصدي أراجعك

والشكوى دي مش كفر مني

مش قولتلي....إحكي اللي واجعك؟

طلع الكلام كدا غصب عني

طلع الكلام

أهبل...وخام

عيل عبيط

ملهوش لجام

والعمر دايرة

مقفولة صح

أولها

.نلقاه ف الختام”
― مصطفي إبراهيم

“سيب
دايما على قد ما تتساب.. سيب
و على قد ما واحشك أحباب.. غيب
كل الداين.. كان متداين
والدين بيلف بدون ترتيب
أنا عمرى ما كنت بجرح قصد.. لحد ما قلبى اتجرح قصد
أنا جانى وقاضى ومجنى عليه
وطلعت براءة فـ حكم النقض
أنا دومينو ف صف ومش قصدى
كان نفسى أسند قمت موقع
أنا شايل قلبى ف محفظتى
وأول ما تجيلى فلوس.. بدفع
أنا عادى ودورى مالوش سوكسيه
بس دى أرزاق.. والدنيا نصيب
عمر ما فيه عادى بيسأل ليه
من الأصل اتساب... وليه هيسيب!”
― مصطفى إبراهيم, المانيفستو