محمد

“يا حارس السجن ليه خايف من المسجون
هي الحيطان اللي بينا قش يا ملعون
و لا السلاسل ورق و لا السجين شمشون”
― نجيب سرور, أوبريت ملك الشحاتين

“معقد
وعصبى
وطفل كبير
بتخاف م اللى يحبك
و بتختار من المزيكا اللى يأذيك
و بتفتح كل يوم شباك
وعلى فين ما الشباك يوديك بتروح
يللى أنت متمشور ورا المجهول
ماشى على خيط رفيع مشدود
مابين الإختيار و المفروض
ونسيج نظرتك غطى على البيوت
من أول البشرية
ولآخر الملكوت
هتحارب تعيش
هتهادن تموت
بتحييك محبة
وتقتلك محبة
وفى جيبك مخبى نجمة بنت بنوت
يللى انت واخد ف وشك و زاعق
لا عارفينك فايق ولا مسطول
وقفتك قدام القهوة طالت
فارت
وأنت عارف انها فارت
بس مش عايز تغير المكتوب
شرير
لأ مسكين
لأ .. مذهول .”
― عمر طاهر

“وياما ثرنا وبقت ثوراتنا بالدَّوره
وف كل مره نلاقى النيل بقى إحباط
وننام ونصحى نلاقيها ثورة ع الثورة
ونعيده تانى وكل الركّ ع الخياط”
― نجيب سرور, أميات نجيب سرور

“انا عارف انى هاموت موته ما متها حد
وساعتها هايقولوا لا قبله ولا بعدُه
وبطانه بتقول يا عينى مات فى عمر الورد
وعصابه بتقول خُلُصْـنا منه .. مين بعده”
― نجيب سرور, أميات نجيب سرور