Eman Nasser

“لا عمر المودة بتتحسب بمسافة
و لا العشرة تتقاس بالوقت ~”
― ايمان عبد الناصر

“ما تزعلش منى اما اخاف يوم و اقلق

اصلى قلبى قبلك ع الفرح مش متعود”
― ايمان عبد الناصر

“بتسأل عنها عاملة ايه
الحمد لله زى الفل و والله بتسلم عليك
و بتتمنالك م قلبها كل خير
و عارف هى لسه زى ما هى ... لسه عارفة طريقها و قوية
لسه بتعرف ترسم الضحكة ع وشها و اوجاعها جواها مخبية
طيب انت عارف لسه فاكراك مش ناسياك و بتحن ساعات
اه النعمة ما انت سيبتلها حبة حاجات
اول ما بتسمع سفارة الراجل بتاع غزل البنات
و اول ما نفسها تهفها و تشترى كيت كات
طيب تصدق يا خى اخدت اسبوع مش عارفة تشترى ايزى باك
ما هى هتقسم مع مين تمنها
لسه كمان نفسها ف وردة زرقا مش عارفة مين هيجيبهالها
لسه محدش بياخد باله م انها كل ما تتوجع كل ما تضحك اكتر
لسه اما تحتار بتقول مش عارف و محدش بيردهالها "اسمها مش عارفة "
لسه محدش يعرف انها بتستخبى م اوجاعها ف حضن اوجاعهم
لسه عارفة تدادى لسه قادرة ع قلوب الخلق تطبطب
لساها روحها بتعافر ف الدنيا
عارفة ان كل خطوة نصيب و واثقة ان كل قلب بيختار طريقه
عارفة ان اللى كان لغيرك عمره ما ف يوم هيكون ليك
لسه زى الفل و بتسلم اووى اوووووى عليك ~”
― ايمان عبد الناصر

“و طالما ان طبطبة الايد واحدة
و ان الكلام شبه بعض
و لانى اصلا عارفة ... دا ان مكنتش
حافظة كل الكلام صم
ان بكرة اكيد احلى
و الدنيا مش بتقف على حد
و انها مهما ضاقت
بكرة الفرج جاى ...
يعنى بقول طالما انه مفيش تجديد
و طبطبة ايدى هتكون احن اكيد
و كل الكلام بيتعاد و يتزاد
فمن فضلكوا سيبونى
اكتئب لوحدى على انفراد”
― ايمان عبد الناصر