Dr Abdo

“إن الأمور لا تتحسن مع الوقت بل نحن الذين نعتاد سُوأَها.”
― عزالدين شكري فشير, باب الخروج: رسالة علي المفعمة ببهجة غير متوقعة

“الشعر مش بس شعر لو كان مُقفى وفصيح , الشعر لو هز قلبك و قلبى ... شعر بصحيح .”
― نجيب سرور, ياسين وبهية

“البحر بيضحك ليه
و أنا نازلة أدلع أملا القلل

البحر غضبان مابيضحكش
أصل الحكاية ماتضحكش
البحر جرحه مابيدبلش
و جرحنا ولا عمره دبل

و البحر بيضحك ليه
و أنا نازلة أدلع أملا القلل

مساكين بنضحك م البلوه
زي الديوك و الروح حلوه
سارقاهام السكين حموه
ولسه جوه القلب أمل !

و البحر بيضحك ليه
و أنا نازلة أدلع أملا القلل

قللنا فخارها قناوي
بتقول حكاوي و غناوي
يا قلة الذل أنا ناوي
ما أشرب و لو في الميّه عسل

و البحر بيضحك ليه
و أنا نازلة أدلع أملا القلل

ياما ملينا و ملينا
لغيرنا .. و عشطنا ساقينا
صابرين و بحر ما يروينا
شايلين بدال العلّة علل

و البحر بيضحك ليه
و أنا نازلة أدلع أملا القلل

في بالي ياما و على بالي
و اللي بيعشق ما يبالي
مايهمنيش من عزالي
يا حلوة لو مرسالي وصل

و البحر بيضحك ليه
و أنا نازلة أدلع أملا القلل

بيني و بينك سور ورا سور
و أنا لا مارد و لا عصفور
في ايدي ناي و الناي مكسور
و صبحت أنا في العشق مثل

و البحر بيضحك ليه
و أنا نازلة أدلع أملا القلل”
― نجيب سرور, منين أجيب ناس

“وعرفت أن الشمس لم تعبر بقريتنا .. ولا مر القمر ..
بدروبها من ألف جيل
ولا العيون تبسمت يوماً لمولود ولا دمعت لانسان يموت ..
فالناس من هول الحياة ..
موتى على قيد الحياة !”
― نجيب سرور