Dr Abdo

“تفرانيل 50"

أنا بفضل دايما للآخر
ف جيمات الكونكان والشايب
و ف كشف الحاضر والغايب
وف حجز شقق مصيف بلطيم
أنا آخر تايب في اصحابي
وآخرهم ف الصلا ف التسليم
وف دور المدرسه في التطعيم
وفي وقت السين
أنا آخر جيم
أنا جرح قديم...كان متغطي
إكمني مشتي ولابس كم
سبتني الدنيا بستين أم
وسبتلها ميت مِلّه ودين
ولحد ماتميت ست سنين
أنا كنت بحب البني آدمين
وكرهت الناس من بعديها
علشان نسّوني أنا أصلاً مين
مش فاكر إمتى حقيقي بدأت
إنما فيه فتره فاكرها طشاش
كان فنجان قهوتي مابيفضاش
وبكلم ربنا طول الوقت
عمري ماصدقت بنات غير ريم
ويمكن دلوقتي ما اصدقهاش
آخر مره
شفتها فيها
كانت تقريبا بتعزل
و كان فيه سواق تاكسي منزل
ف شنط ناس حتحل مكانها
ووشوش بني آدمين معرفهاش
أنا ريم يمكن كانت قدي
أيامها... لكن دلوقتي أصغر
عارفه إن أنا يوميا بكبر ؟
وبعجز إكمني مابنساش
أنا فاكر أيام بالميللي
أنا فاكر أيام بالتفصيل
أنا فاكر يوم دفنة أختي
حتصدقي..؟ أكتر مافاكرها
وساعات بنسي ف ليله كبيرها
أنا فاكر شقة قصرالنيل
ومش فاكر حد من السكان
من صغري وعمري مابنسي مكان
أنا أصلاً فاكر بيت شادي
مع إني مازورتوش غير مره
بأمارة فيه برواز بره
كان جواه صورته ف إعدادي
كان لسه ساعتها طالعله شنب
ونا حاسس إني طلعلي أتب
من تقل الشيله و م التفكير
معلش أنا آسف برغي كتير
وبسف ف وقتك وف وقتي
أنا حاسس بدماغي بتتقل
أنا نفسي أنام
أنا عاوز أروّح دلوقتي
متشكر جداً ع الجلسه
حنكمل إمتى علاج طيب ؟
لازم حنشوف بعض قريب
أنا ماشي...
سلام”
― مصطفى إبراهيم

“ الحق أقول لكم..
لا حق لحي ؛ إن ضاعت فى الأرض حقوق الأموات ”
― نجيب سرور, بروتوكولات حكماء ريش

“ربما كانت هناك طرق كثيره للصعود من الوادي إلى قمة الجبل.. لكن الجبل سيظل دائماً الجبل نفسه, لا يتغير أبداً.. و لابد أن يكون بيني و بينك تشابه كبير حتى نستطيع الوصول إلى قمة الجبل... فمثلاً, لابد أن يكون كل منا من متسلقي الجبال و هناك على القمه.. قد نبني معاً بنياناً ضخماً من الحجاره.. ثم نجلس لنرتاح عليه قليلاً بعد هذا الجهد الذي بذلناه... و ننسى و لو لفتره قصيره همومنا كلها كبيرها و صغيرها..كأننا تركناها كلها وراءنا في الوادي
قلت: هل تعني أننا قد التقينا على الجبل نفسه.. مع إنني أتيت من كوكب و أتيت أنت من كوكب آخر؟

فأومأ برأسه موافقاً و قال: لا يهم اختلاف المكان الذي انطلقنا منه.. إنما المهم حقاً, هو الهدف الذي نسعى إليه”
― Jostein Gaarder, Hello? Is Anybody There?

“وعرفت أن الشمس لم تعبر بقريتنا .. ولا مر القمر ..
بدروبها من ألف جيل
ولا العيون تبسمت يوماً لمولود ولا دمعت لانسان يموت ..
فالناس من هول الحياة ..
موتى على قيد الحياة !”
― نجيب سرور