Wafa

“قصاد نفسك
عيوبك كلها بتبان
عيونك شايفة كل مافيك بدون الوان
ولما الناس تكون شايفاك
بشكل مابتشوفوش جواك
هتعرف انهم عميان
محدش كان معاك غيرك
ودمعك جاي آخر اليوم
يبل مخدتك بهموم
يروح النوم
و مع نفسك تبات سهران
محدش كلمك عنك
وقالك كل شئ بوضوح
عشان الكل بيراعي
يكون شكل الكلام مسموح
واي صراحة مهما تكون
يا تتحامل يا بتجامل
شهادة بيبقي فيها جروح
قصاد نفسك تبان الصورة بالكامل
لحد الروح”
― محمد السيد

“بلاش تنده حاجات ماتت
وسيب الذكري مرتاحه متندهاش
مدمت قدرت تنساها
بلاش ترجعلها ببلاش
اكيد في الجاي حدوته ومحتاجة
انها تتعاش”
― محمد السيد, أبيض غامق

“ﺑﻜﺴﺮ ﻓﻰ ﻗﻠﺒﻰ ﻛﻞ ﻳﻮﻡ ﺣﺒﺔ ﻭﺟﻊ
ﻭﺍﻋﻤﻞ ﺟﺪﻉ
ﻭﺍﺿﺤﻚ ﻓﻰ ﻭﺵ ﺍﻟﺠﺮﺡ ﻭﺍﺗﺮﻳﻖ ﻋﻠﻴﻪ
ﺑﺪﻓﻦ ﺑﻜﺎﻳﺎ ﺑﺎﻟﺒﻄﺊ
ﻭﺑﻠﻢ ﺩﻣﻌﻰ ﻣﻦ ﺍﻟﻄﺮﻳﻖ ﻭﺃﺗﺪﺍﻭﻯ ﺑﻴﻪ
ﻋﺮﻓﺖ ﺍﻥ ﺍﻟﻤﺸﻜﻠﺔ ﻣﺶ ﻓﻰ ﺍﻟﺪﻣﻮﻉ
ﻭﺍﻥ ﺍﻟﺮﺟﻮﻉ ﻣﻊ ﺍﻯ ( ﺭﺍﺡ ) ﺍﺻﻼ ﺳﺨﻒ
ﺍﻧﺎ ﻟﺴﻪ ﻓﺎﻫﻢ .. ﻟﻸﺳﻒ
ﻭﺍﻛﻴﺪ ﻫﻮﺍﻇﺐ ﻉ ﺍﻟﻠﻰ (ﺟﺎﻯ ) ﺑﺪﻭﻥ ﺑكا”
― محمد السيد, كسر عين

“وإيه يعني

كلامك نصه يوجعنى

ونصه التانى شوق ليا

وايه يعنى

تمد الايد وتمنعنى

وتاخد ايدى بالتانية

مسيرك يوم هتتأكد

تقرب حتى او تبعد

ساعتها بس هتحدد

تجيلى او تودعنى

وهافضل برضه مستنى

وايه يعنى

وايه يعنى تغيبلك يوم

وترجعلى فى يوم تانى

فى حبك قلبى لو مظلوم

ياريتك تظلمه تانى

براحتك اوعى تستعجل

قرارك صعب مش ساهل

انا عن نفسى هاتحمل

لانك حد يستاهل

انا بتمنى تختارنى

ده بعدك شئ هيكسرنى

خسارتى لما تخسرنى

ياريت يا حبيبى تسمعنى

هتعمل مهما راح تعمل

هاحبك برضه وهكمل

بدات هواك من الاول

محال لو شئ يرجعنى

وايه بعنى”
― محمد السيد