Status Updates From عبد الناصر والإخوان المسلمون

موضوع أن عبد الناصر كان مستهدف من الخارج والصهيونية وكده، وأنه مش في حاجة أنه يعمل تمثيلية (حادث المنشية)عشان يثبت زعامة

طبعا بقى حادث المنشية اللي الناس كلها بتتكلم عن الكلمات المؤثرة للزعيم المفدى جمال عبد الناصر ومبيذكروش سقطته الشهيرة "أنا من علمتكم العزة وأنا من علمتكم الكرامة"..

الظريف في الكتاب ده برضه أنه بيفكرك ليه ناس كتير شايفة أن أنقلاب 23 يوليو اخواني، لأن كان - حسب ما ورد في الكتاب - محاباة ما من جانب الضباط الاحرار للاخوان في بعض الاجراءات زي عدم حلهم كمنظمة سياسية زيهم زي الاحزاب وأن عبد الناصر طلب منه التدخل لما حصل انشقاقات بالاخوان، وأن العلاقة وإن كانت بتحمل قدر من الندية بين العسكريين المسيسيين والجماعة إلا في النهاية كان فيه سعي من قبل العسكريين لاشراك الاخوان على ما يبدو يعن

كح كح كح.. ده بس عشان التراب.. اصلي مقريتش من اكتوبر اللي فات.

اربط لحد هنا "الثورة تحل الإخوان" نكمل بعدين، بس فيه قدر عجيب من تكرار المواقف والاتهامات المتبادلة ونوعية الالفاظ نفسها..

وفيما معناه أن الاخوان حاولوا يركبوا على الثورة/الانقلاب فراحت الثورة مزحلقاهم، وأن الراجل بيستغرب أن ازاي الاخوان اتقدم لهم خدمات واستثناءات من الثورة اللي مدعموهاش وبعد كده حاولوا يملوا شروطهم وعبد الناصر رفض، وده كان بداية الانقلاب عليه وعلى الثورة منهم يعني.

قوم ايه بقى،عشان الامور تبقى واضحة للقارئ يقوم متكلم عن علاقة الاخوان بالضباط الاحرار، فيقوم عارض وجهة نظر الضباط الاحرار وشهادتهم من مذكراتهم ان فيه تنسيق بين الاحرار والاخوان من الاربعينيات، بس حصل انفصال بسبب توجهات الاخوان اللي بعدت عن الكتلة الوطنية بدعمها اسماعيل صدقي، وتهدئة الجماهير الغاضبة ضد معاهدة صدقي بيفن، في حين عرض مع التفنيد طبعاوجهة نظر الاخوان في انهم همه الي اسسوا الضباط الاحرار قبل استقلالها عنهم

والطريف أني اول مرة اعرف أن حسن الهضيبي مرشد الاخوان الثاني مكنش اخوان اصلا وكان قاضي ومناسب 4 من حاشية الملك.. وده كان احد حيثيات اختياره حسب ما نقله الكاتب عن فتحي العسال مراقب المركز العام للاخوان في كتابه "الاخوان بين عهدين"

الراجل مستفيض في عرض شهادات الاخوان عن التعذيب في عهد وزارة ابراهيم عبد الهادي اللي اعقبت اغتيال النقراشي من مذكرات بضع الشخصيات الاخوانية او من شهاداتهم امام محكمة الثورة في محاكمة ابراهيم عبد الهادي اللي كان بيشرف على التعذيب بنفسه.. بيعمل ده ليه بقى؟ تأكيدا على أن الاخوان شافوا الامرين في عهد الملك وبينكروه او مبيذكرهوش في مقابل ذكرهم للي عمله عبد الناصر فيهم.

الراجل مستفيض في عرض شهادات الاخوان عن التعذيب في عهد وزارة ابراهيم عبد الهادي اللي اعقبت اغتيال النقراشي من مذكرات بضع الشخصيات الاخوانية او من شهاداتهم امام محكمة الثورة في محاكمة ابراهيم عبد الهادي اللي كان بيشرف على التعذيب بنفسه.. بيعمل ده ليه بقى؟ تأكيدا على أن الاخوان شافوا الامرين في عهد الملك وبينكروه او مبيذكرهوش في مقابل ذكرهم للي عمله عبد الناصر فيهم.

يضاف الي ذلك أن فيه تطابق عجيب بين الي حصل ما بين الملك وجماعة الاخوان زمان، والمجلس العسكري والاخوان دلوقتي.. التأييد وعمل الجبهات والمظاهرات لصالح الملك، في مقابل باقي الحركة الوطنية اللي كانت واقفة مع النحاس والوفد، ثم نفس الانقلاب على الاخوان واتهامهم بنفس الاتهامات اللي بيتم اتهامهم بيها دلوقتي.

الراجل صعبان عليه من الاخوان انهم بيوصفوا عصر عبد الناصر بالديكتاتورية الدامية لما شهدوه من حل وسجن وتعذيب، فراح مذكرهم بما عانوه في عهد "ديموقراطية" عهد الملك اللي ناصروه ونزلوا يؤيدوه "الله مع الملك" لما الناس نزلت تقول "الشعب مع النحاس" وفي الآخر بعد حوادث نسبت لهم تم حل جماعتهم واعتقالهم وتعذيبهم.. الاظرف انه معتمد على تقارير الداخلية في اثبات اجرام الجماعة، ومذكرات البنا في جرائم الداخلية ضد اعضاء الجماعة :D

الراجل عامل مقدمة طويلة عريضة مفادها أن الاخوان ولاد ستين في سبعين والثورة حلوة ومعملتهمش حاجة، ولو مكنتوش ولاد ستين في سبعين مكناش عملنا فيكم كده.. عموما الراجل ناصري فمش متوقع منه حياد او موضوعية بس اتمنى ميستمرش في رص الجمل البلاغية والاتهامات كما في المقدمة..