Status Updates From أهرام الجمعة

وأهو فارق قبل معاده
و الرحمة تجوز ع الحَيّ ..
حتى لو الموت بالدور
كان دوره هيبقى الجَيّ ..

" ذُقت النهارده الجوع .. لكنه مش للزاد ..
مش كل كلمة وطن .. لازم تكون لبلاد .."

العمر مش تواريخ
..ولا يتحسب بالشيب
العمر إن إحنا
..يبقى ف لُقانا نصيب
العمر كان يانصيب
💗 وأنا فزت بعنيكي

أهو لولا الضحك على همومنا
..صدقني محدش كان عاش
اضحك مجانًا ببلاش
..مايهمش فين أو مع مين
مش عارف تضحك على إيه؟
..اضحك على خيبتك ياحزين

الفقيد ساعة ما مات
..كان معاه ف ايديه حاجات
ساعة واقفة
..يبدو ساعته
عاش ف دنيا مش بتاعته
مات ما بين يأسه وقناعته

عايشين نتدارى ورا الصورة
وكاتمين الصوت
وبرغم الزحمة على الشاشة
..م الوحدة نموت
والوقت يفوت
..وتعدي ساعات
والباقي ما بين الناس في الشات
حبة حكايات
والباقي ما بين الناس فعلًا
..كان قلب ومات

لو حد غالي عليك
سجله أقواله
جايز كلامه معاك
بالصدفة بكرة يكون
اخر كلام قاله

ومن دون الصور صورة
برغم العمر منسنهاش
ودون الموجودين فالكادر
مبنشوفشي غير اللي مجاش !

نضارة من الغامقة .. مع رؤية محدودة .. كان شئ طبيعي تشوف .. الرؤية محدودة !

كل الرسايل مرسلة ومسجلة
الرد مبيوصلش ليه ..!

خلاك تتجرأ ... وتفرق علي زحمة روحك رخمة ونور

كل الوشوش عيرة
كل الكلام ببلاش
نجدتنا فينا احنا
بس احنا مابنشوفهاش

الجزء الناقص فالرسمة .. أكبر من مجمل أعمالي .. ازاي انا هرسم في شفايفك وانا راسم عينك بصالي

لسه اللقا صدفة.. لسه الفراق مواعيد

أو قول لبكرة بتاع زمان
زي اما جابه .. يرجعه