Status Updates From ضحى الإسلام

رحم الله احمد امين .
عمل موسوعي

بداية الجزء الثالث والأهم بالنسبة لي الخاص ب(العقائد والمذاهب الدينية في العصر العباسي الأول). وهو الجزء اللي بيتناول نشأة علم الكلام وأهم الفرق الإسلامية وأقوالها زي ( المعتزلة-الشيعة-المرجئة-الخوارج) مع ترجمة لأشهر رجالها.بعد ما كان عرض في فجر الإسلام نشأتها التاريخية. سبب اهميته هو انه محاولة لفهم موسوعة حسين مروّة ((النزعات المادية في الفلسفة الإسلامية )) من الناحية التاريخية تمهيد للدخول فيه .

رحم الله أحمد أمين. لأول مرة في حياتي، أستوعب بعمق معنى أن يكون الكتاب من جواهر الكتب. العمل الموسوعي ده أخد حقه فعلا !؟ أشك . على الأقل كانت موضوعاته بتدرس ولو في هيئة مقتطفات.
المذهل انه ازاي قدر يجمع في كتاباته بين سهولة العبارة مع عمق الفكرة . أما عن شمولية البحث وعمق المناقشة اللي بيقدمها فده أمر فوق الوصف. بالنسبة لي اتغير معيار ال5 نجوم عندي بعد الموسوعة دي . ايه الكتاب اللي ممكن يستحق حتى 4 نجوم من بعده!؟

العصر العباسي الأول كان مليان أحداث وصراعات. شد وجذب بين العرب والموالي اللي دخلوا الإسلام، وظهور الشعوبية.وقد ايه كان الرقيق ليهم دور في لهو وجد الثقافة وظهور وانتشار الزندقة ككفر تارة وكيد في أخرى، وفي نفس الوقت تمسك شعبي قوي بالإيمان. وبإتساع مساحة الدولة حصل إندماج بين الثقافات(فارسية وهندية ويونانية ورومانية وعربية) مع تأثير الأديان السابقة زي اليهودية والمسيحية. كل ده امتزج مع بعض وأنتج حضارة إسلامية فريدة

الدولة الإسلامية في بداية العصر العباسي ماكانتش دولة عربية بالمعنى الضيق ,ميكس رهيب بين أمم وشعوب مختلفة , فاتنقلت الجينات الميكس دي للجيل الجديد وسُمي ب(المولّدين). التنوع ده عمل قفزة في النمو الحضاري الثقافي العلمي . ولكن مع ظهور عَرض جانبي وهو(الشعوبية) يعني نقاش حول مكانة العرب مقارنة بباقي الشعوب دي واتقسمت الاراء ل3 فرق (العرب أحسن ناس)و(نقيضه)و(كلنا سواسية) مع توحيد رابط قوي الكل كان يستظل بظله وهو الإسلام.