Status Updates From مسلمان جھوٹے خدائوں کے نرغ...

عصر حاضر ملک الموت ہے تیرا، جس نے
قبض کی روح تیری دے کے تجھے فکر معاش
- اقبال

دلچسپ بات، با معنی بات سے زیادہ اہم ہو گئی ہے۔ مزیدار معلومات کی ایک غیر معنوی کثرت نے اس کے لیے ذہن کی حضوری (presence of mind) کا تجربہ دشوار کر دیا ہے جو معیار عبادت کے لیے اساسی اہمیت رکھتا ہے۔

معلومات کی زیادتی معلومات کی کمی سے زیادہ بڑا مسئلہ ہے کیونکہ کثرتِ معلومات کی وجہ سے انسان نافع اور غیر نافع ، مصنوعی اور غیر مصنوعی اور معنوی اور غیر معنوی کی تمیز سے محروم ہو جاتا ہے۔

جب کسی مسلمان کو یہ علم ہو جاتا ہے کہ سجدہ طویل کرنے سے یا روزہ رکھنے سے بہت سے طبی اور جسمانی فوائد حاصل ہوتے ہیں تو یہ علم اس کے ایمان اور نیت کی پاکیزگی کے لیے ایک امتحان کی حیثیت رکھتا ہے۔ اب اس کے عمل کی قبولیت کا دارو مدار اس بات پر ہے کہ وہ اللہ سے تعلق کی خاطر اپنا سجدہ طویل کرتا ہے یا دوسرے مفادات کی خاطر ۔