Reem > Recent Status Updates

واضح من البدايه بيكون كتاب لطيف و خفيف الشخصيات كلها تعطي طابع مميز و جميل حده cozy و الترجمه حتى الان حلوه ما شفت عيوب رغم انه كتاب مترجم ما استثقلته نفس الي قبله لاحظت تعجبني اصدارات عصير الكتب حيل بحاول اكمل بعد جابتر💖

خلصت الكتاب جدا فلسفي بالبدايه كان يضحك و يحمس بس بعدين بدا يصير ملل و كله فلسفه الشايب البطل و فيه بعد امور مو اوكي يعني الفاظ مو زينه و علاقات مدري شلون صايره بس الكتاب طلع غير الي توقعته يعني ما توقعت انه فعلا يقتل جاره اعطيه ٤ /١٠

حتى الان الكتاب زين القصه اوكي مرات ما افهم حيل شنو يصير لانه مترجم و الكتب المترجمه تكون حيل متعبه بالقراءه بس الصراحه يضحك وضع البطل و هو منسدح يفكر شلون يقتل جاره بس لانه مزعج و هوشتهم تضحك 😭😭😭

الكتاب حلو بس قصه القاتله مو منطقيه بصراحه و النهايه مخيبه للامال ما توقعتها جذي بس الكتاب كان ممتع و احداثه بنص كانت تحمس اكثر شخصيتين حبيتهم هي اسرار و خاطف الاطفال الطيب غيرهم ما جذبوني حتى البطل

الصراحه الكتاب حلو بس اني خربط فيه لاني ما ركزت بالتواريخ حيل حتى الان الي واضح انه طليقه اديم هي القاتله بس ما احس جذي احسها مخطوفه و يتم تهديدها بس بنشوف

حتى الان حلو و حبيت الترجمه سهله مو صعبه الفهم بس الكاتبه تحب تدقق في الشرح و حلو شلون لما الشخصيه تصف شغله و اروح ابحث عنها قاعد اتخيل البطله مزيونهههه اوف صاروخ😭

الكتاب نهايته حيل حلوه و ما فيها شي محزن الصراحه بس والله اني شكيت بريهقانه طلعت ماهي هينه بس احس حبها لحمزه بيجيب مشاكل بالجزء الرابع بس ان شاء الله لا و يقابلها و يقع بحبها هو اصلا اعترف انها جميله و بس يتقابلون و يصير حب نقي🫶🏻

صارت واجد احداث و تغيرت واجد امور بس اهم شي انه حمزه الحين راح يواجه الدواسر عشان يلقى اخوه خالد و حيل حبيت علاقه حمزه مع ريهقانه تضحك علاقتهم و حبيت علاقه ساهور و مونارش و هم حبيت انه البطل ماله قصه حب انه يركز على اخوه اكثر🫶🏻

صارت واجد احداث و حوسه و مات مولي و قبل لا يتشهد قال لحمزه "انت اخي" و طبعا الدموع ما قصرت و اذا طلع مولي هو خالد مو بس بنهار الا بتشقق من الحزن يعني جنه مات مرتين🥲

الصراحه بدا يصير حماس و مونارش طلعت من الغابه مع بنت و احسها بتحب حمزه و يصير حب ما بينهم و صارت هوشه بين بنات الحداد و ذكور الوراشين الوصخين عشان مونارش و البنت بس لانهم يحسبونهم ساحرات بس انا اشهد انه بنات الحداد كفو و عن الف رجال

الحين الوضع مافي احداث حماس حيل بس حمزة ضايع عنده ثلاثه يشك انهم خالد و الصراحه ضعت معاه بس احس لو انه يسوي حركه كان هو وخالد يسونها و هم صغار عشان يقدر يعرف اذا الي قدامه خالد مدري هو مولي ولا ساهور ولا سنمار🫠

السخصيات حلوه حبيت شخصيه هرهور احسه كيوت و مولي شكله طيب بس ما احس انه خالد احس بعدين راح يطلع شخص اخر بس حمزه قال انه يشبه خالد و بالنسبه لحمزه احس شخصيته بالبدايه عصبيه بس احسه حليو يعني طيب مو نفس يوسف بس حليو

كالعاده كتب حنان لاشين و قصصها الحلوه و صيغتها الجميله في الوصف بس وصلت في جزئيه كان بالبدايه في المملكه كان عرس ما ادري منو بس عندي احساس في كوبلين المهم الي يقهر انه انا وقفت على رقم ٢ و مكتوب بعد عشرين سنه يعني نقزه حيل كبيره 🥲

بدا يتكلم عن السحر و تعلمه للسحر و مرت ست سنين ما ندري شصار لويليام و البطل كلش مو عاجبني مو مضبوط يسوي نفسه المسلم التقي الي قصوا عليه عشان يسوي ذنوب و هو من الاساس يوم كان بروحه كان مو اوكي بس حبيت انه الجابترات قصيره

انا وراي اختبار و منشغله بالكتاب المهم انه يرفع الضغط الكتاب جديد صح انه بعصر قديم بس في واجد افكار عن النساء افكار جاهليه و خايسه بس الصراحه كتابه الكاتب حلوه سلسله ما ادري هل لاني قريت قبله كتاب مترجم و صعب ولا لانه هو لغته سهله

واجد شغلات مو اوكي في الكتاب يعني مو قليل واجد حيل الصراحه من لعن و سب و امور ثانيه و في واجد شغلات مو متوضحه يعني احس البطل غريب مره يندم على الي يسويه و ينسى بسرعه و واجد تعليقات عليه و ثانيا حسان شنو صار عليه مات و هل هو نفسه الي مات

البدايه غريبه بدوا بجنازه اخو البطل بس احس ما وضحوا في الشخصيات يعني ليش يقول عن ابوه ابوه اخوي و منو الي كانت ماسكه اخوه اول مشهد في الكتاب و تبجي اذا امه متوفيه قبله بثلاث سنين و ليش يتكلم عن اخوه و كأن اهله غير الا اذا كان رفيجه

القصه هذي خفيفه حلوه احلى من الطوال الي طافوا الي فيها حشو معلومات من ذاك الزمن الواقعي حسيت مالهم داعي هذي لطيفه و ان شلون ارسين هني مثل دور الشرطي و بنفس الوقت خرب الادله عشان يخلي المجرم متهم😭😭

ما تغير شي ورونا قصه من قصص بدايات ارسين لوبين ما حسيتها حلوه و تجذب حتى الان احلى القصص كانت اول قصه و قصصه في السجن يمكن شوي المسافر الغامض بعدها القصص بدت تصير ممله الي هم عقد الملكه و السبعه الكبه و خزنه السيده امبيرت

اخيرا خلصت اذول قصه بالكتاب الصراحه معقده القصه و تدوخ بس على طول عرفت منو هو ارسين و من بدايه القصه وانا شاكه في وضعه المهم باقي لي ثلاث قصص بحاول اخلصهم عشان تعبت من اسلوب الكتابه الصعب ابي كتاب عربي 🥲

الكتاب سحبت عليه احلى سحبه من دون اي سبب بس هو حلو و الاحداث تضحك حدي حابه شخصيته مدرري كيوت احسه و ظريف😭

الكتاب احسه حلو و لطيف يعني احسه كتاب خفيف اقراه بدون ما اشيل هم شي

كان كتاب جيد مو مثل الاول بس حلو حبيت شخصيه ماجد احسه الشخص اللطيف البريء و احسه مزيون و كنت ادري انه دجن صجي و رفع ضغطي غباء خوف يوم وثق بهاجر مره ثانيه مثل الخروف على قوله دجن😭

الصراحه الكتاب بدا يصير ممل اللهم انه ظهور ماجد حلو بس ظهور هاجر ما عجبني و حسيتها مستفزه و الكتاب صار ممل بس تفلسف خوف الممتع بس هواش خوف و عواد و نكت دجن حبيبي حتى الان احس افضل جزء في هذي السلسله هو الاول لانه اكشن و افي احداث واجد

رجع دجن بس مو دجن الصجي رجع كوهم و احس اني شاكه انه وهم احسه الصجي بس يلعب على خوف المهم خوف بينتقل من بيته و راح يتزوج الحبيب و عندي احساس انه باخذ هاجر مع انها ما طلعت بس مدري عندي شعور

قعد خوف يتكلم عن النقاشات مالته مع بعض الناس و انه شلون ما يتفق معاهم بالتفكير المهم قال جمله جذبت انتباهي ”اخبرني..كيف تطل من نافذة الحياة و الموت يطرق بابك؟“ حسيت هني كانه يشرح وضعه يوم كان في بيت عمار و دجن برا يبي يقتله

كالعاده البديات الفلسفيه و اليوميات الغريبه لخوف و في جمله جذبتني هي ” قد لا تكون افضل تلميذ لكنك بلا شك افضل صديق .. بشري على الاقل . . “ قالها خوف لعواد و احس كان يقصد فيها دجن و انه اشتاق له🥲

الحين انحبسوا يوسف و حبيبه و زادت الرومنسيه و قدروا يطلعون و قابلوا ميسان و الحين بيحاولون ينقذون هيدرانجيا مدري شسمها🏃🏻‍♀️

الحين بدا يوسف و الربع يدخلون الدروب و بدوا يحلون مشاكل كل روايه من روايات يوسف بس الحين ابو موراي مات و موراي قطع قلبي صج احس المفروض ما يصير جذي🥲🥲

حبيت شخصيه يوسف والله و طلع خاااق الف على حبيبه مهووس الحبيب ولا درت عنه المهم انه شكله الكتاب بيصير من افضل الكتب بالنسبه لي🫶🏻