إستبرق عبدالكريم > Recent Status Updates

”-يا ترى أنا عمري كام؟؟

-عمرنا مش بالسنين..
بالأغاني..

-يعني ايه؟؟

-كل واحد فينا زي الأغنية
أغنية ولازم تتم..

-طب قولولي دفنت كام؟؟

-برضو مش بالمدفونين..
بالأماني..

-كل واحد فينا زي الأمنية
أمنية ولازم تتم..“

”-ليه يا حمدي؟

-مات وحيد..
برضو زي ما عاش وحيد..

-ليه يا حمدي؟

-حمدي مات يوم الهزيمة..
واللي مات يوم القيامة
يلقى من يبكي عليه؟

-ليه يا حمدي؟

-استريح..

-أبدا بطل يغني..

-بس بطل برضو يسكر..

-أبدا بطل يغني..
ليه يا حمدي؟“

”-شدي حيلك..

-طب وأنا عاد فيا حيل؟
أنا رمة..
أنا جيفة..
أنا جيفة يا مؤمنين

-اللي جاي يا بهية أصعب..
م اللي فات..

-فرحتي..
واللي فات هو اللي جاي..
واللي جاي هو اللي فات..
واللي فات كان جاي بكره..
واللي جاي جه من زمان!“

”قلبي زي الساعة مظبوط ع الهموم“

”لو يحس..
إن حد في مصر عايزه..
أي حد في أي حتة..
يمّا.. مستنيه.. هيرقد
زي طير..
طير مهاجر في السنين..
على غفلة..
يلقى عشه..
وساعتها مش هيسكر..“

”إلا ليه؟
ليه نخاف من حبايبنا؟
ليه نخاف منهم وهما ميتين؟
زي ما يكونوا خلاص مابقوش حبايب..
يا ترى بنخاف من الموت ولا منهم..
ولا خايفين لا الحبايب يرجعوا..
ولا خايفين يعرفوا..
إننا يا عيني عايشين بعدهم؟“

”يعني لازم فيها سر..
سر باين زي عين الشمس وأكتر
بس غايب عن عينينا..
سر أقرب م الرموش..
للعينين ولا بتشوفوش..
حبل.. حبل ماينقطعش..
حبل رابط اللي ماتوا..
باللي عايشين بعدهم..
يعني يبقى الأب ابن..
يعني يبقى الابن أب..
يعني يبقى الموت ده كدب!“

”والسنين سكينة باردة
فوق رقابنا..“

”أنا كل اللي أفهمه إن الحرب هدم..“

”-والبيوت دي أصحابها مين؟

-البيوت دي أصحابها ناس..

-يعني ناس زيك وزيي؟

-واحنا ناس؟

-هما برضو بشوات؟

-ما لغينا البشوية من زمان

-بهوات؟

-ولغينا البهوية من زمان

-يبقوا ناس زيك وزيي..

-برضو مش زيك وزيي..“

«أينما كان رعدٌ ونارٌ ومعركة
نحترق وإياك، يا قلبي، سويةً»

«في لبنان عرفنا إن مهدي مات في ترشيحا.. حين سمع الأمر الأخير بالانسحاب قال: "تفو على العرب"، سحب مسدسه، وأطلق النار على رأسه، ومات».

«فالوطن ليس البرتقال ولا الزيتون ولا جامع الجزار في عكّا.. الوطن هو أن تسقط في الهاوية.. تشعر أنك جزء من كلّ.. وتموت لأنه مات».

«وأي رابطة تربط الجسد العاري النحيل لمسيح تبكيه أمّه، بالأسياد وملاك الأرض والضرائب والمكوس والملك وديوان التحقيق؟؟!»

لم تعجبني ترجمة مها جمال.. قررت الانتقال للقراءة بترجمة سامر كروم التي وجدتها أفضل بكثير.