Mahrous > Recent Status Updates

عايز احسن مستوى قرايتي السنة دي .. ممكن تساعدوني وتحطوا لي لينكات نوادي قراءة (عربي او انجليزي) في القاهرة، بيتقابلوا بصفة دورية ويناقشوا الكتب اللي بيقروها ؟؟
شكرا

هو معرض الكتاب فاتح للجمهور النهاردة ؟؟

كنا نعتقد، والسابقون كانوا مقتنعين، بأن العلاقة بين الإنسان والكتاب لا تقع إلا فى سياق الثقافة، حتى اكتشفنا أن العلاقة ليست فقط ثقافية، ولكن أيضا عاطفية. أخطأنا، وبعضنا مايزال يرتكب الخطأ نفسه، حين سمحنا بأن يغمرنا الإحساس بأن لا علاقة لقلوبنا ومشاعرنا وأحاسيسنا بالقراءة، وخاصة بالكتاب
.
مقال ممتع .. لينك :ـ http://www.shorouknews.com/columns/vi...

كل سنة باعمل لستة بالكتب اللي هجيبها من معرض الكتاب ولانها بتبقى غالية جدا أو قديمة فأتوقف طباعتها بدور عليها في سور الأزبكيةولأنه مهرجل وملخبط وكله بالحب زي كل حاجة في مصر، مش كل حاجة بلاقيه فيها، بس اللي بلاقيه فيها بأبقى عايز أسجد سجدة شكر وأبوس البياع بس بكتم في نفسي عشان ما يغليش عليا لو عرف اني بدور عليها كتير

الكلام ده بمناسبة اني لقيت النهاردة فالازبكية الإنسان ذو البعد الواحد و Tipping Point, Gladwell

القراءة تذكي من الفكر التحليلي، وتمكننا من أن ندرك الأشياء بمنظور أفضل، وهي أداة جد يسيرة عندما يتعلق الأمر بالسلوك المربك في غالب الأحيان لنا وللآخرين

واكتشف علماء النفس في المدرسة الجديدة للبحوث الاجتماعية أن الروايات الأدبية قد عززت من قدرة الناس على تفهم وقراءة مشاعر وعواطف الآخرين


من مقال : كيف تجلب الكتب السعادة؟

www.bbc.co.uk/arabic/artandculture/20...

أنا لا أفهم وجهة النظر القائلة بقراءة الكتب الرديئة حتى نستفيد منها

الكتب الرائعة لا تنتهي والوقت لا يكفي لها

قد نقرأ مصادفة كتابا نحسبه جيدا فنجده رديئا..وفد نتعلم حقا من رداءته
أما أن نختار بكامل وعينا كتاب غث رديء فهو أمر عجيب

أنا أخجل من بعض قراءاتي الغثة ولكن لا مفر من اضافتها على جودريدز كتوثيق زمني لمدة وموعد قراءتها

أنا اقرأ كل يوم ما يزيد على العشرين مقال بالعربية والانجليزية، يعني حوالي كتاب كل اسبوع، سألت نفسي لماذا لا يتم حسابهم على جودريدز حتى أزيد من كمية ما قرأته؟ـ

ثم تراجعت عن هذه الفكرة وتساءلت كيف جعلني جودريدز قارئا كميا. كل همي كتاب اخر في قائمة كتبي. وهل أنا اقرأ حبا في العلم والمتعة أم رغبة في التفاخر؟ـ
أظن أني أقرأ بنسبة 90 % حبا في المعرفة و 10% تفاخرا. كل ما هنالك أن جودريدز جعل كفة التفاخر في زيادة دائمة

عبلة كامل في مسلسل لن أعيش في جلباب أبي لما كان عبد الوهاب ابنها مسافر كانت بتوصيه : "كُل كتير ، وكُل كويس" ـ

تحويرا لوصية فاطنة،أنا هتبقى وصيتي لنفسي ولكل الناس في 2015 :ـ
اقروا كتير ، واقروا كويس


وكل سنة وانتم طيبين
:)

سؤال فني : هل ممكن أشوف في جودريدز أي ستاتس قديمة أنا كتبتها أو حد من أصدقائي كتبها ؟ـ

غالبا كده مفيش حد على جودريدز بعد ما يخلص كتاب يقول هبقى أكتب ريفيو بعدين .. غير وبينسى يكتب الريفيو
:)
يا جماعة أوصيكم ونفسي بكتابة الريفيو مباشرة ولسه أفكاره وأحداثه فاكرينها والا هننسى وندخل في الكتاب اللي بعده

المدهش فعلا .. اول ما يبقى أمام القاريء كتابين .. واحد سهل وخفيف والتاني عميق ومليان أفكار حلوة (وحتى لو لغته سهلة) ان القاريء يختار الأول بسهولة وبلا تردد، والتاني يقعد يأجل فيه فترة طويلة من الوقت حتى يأتي المزاج الملائم

وبيحصل كده برضه في الأفلام وحاجات تانية كتير

يارب كتر من مزاجي الملائم للكتب والأفلام العميقة يارب

مقالي عن المفكر العظيم حسين أحمد أمين الذي فقدناه منذ أيام منشورا في موقع " قًل " ، ياريت أعرف آراءكم

http://qoll.org/UI/Front/Inner.aspx?A...

قاعد بفكر ان (حلاوة روح) بتاع هيفاء وهبي اسم جميل ينفع لكتاب .. عملت بحث لقيت فعلا في كتاب اسمه كده
:)

سؤال فني: أنا ما بيجليش نوتيفيكيشن لما حد يعمل كومنت على ريقيو بتاعي .. ليه؟

هو جودريدز مش ناوي يحط زرار لايك جنب زرار الكومنت تحت كل ريفيو .. في ريفيوز كتير بتعجبني بس بقرأها من على الصفحة الرئيسية وبكسل أدخل عليها عشان أدوس لايك

بطيخ + تكييف + كتاب
:)

بمناسبة موضوع الكراشز المنتشر ع الفيسبوك
موقع جودريدز كله على بعض عبارة عن تعبير للكراشز بتاعتنا بس للكتب والأدباء

الواحد كان مخنوق ان جودريدز مش شغال
وده خلاني أفكر قد ايه الواحد بيتكلم عن الكتب ويدور عليها أكتر ما بيقرأها

وعلى رأي محمد هنيدي: بقيت من كتر الكلام عن القراءة .. مش لاقى وقت أقرا

الواحد لازم يقلل اعتماده على الموقع ده شوية .. وحمد الله ع السلامة يا جود ريدز

وإن مرّ يوم من غير رؤياك .. ما يتحسبش من عمري

باهدي أغنية أم كلثوم دي للكتاب

لستة الكتب اللي هشتريها من معرض الكتاب:ـ مدخل رياضي الى عروض الشعر العربي – أحمد مستجير/العقل المحيط – ترجمة: ثائر ديب/تشكيل العقل الحديث – تر: شوقي جلال/حكايات عالم عجوز – د. سمير حتا صادق/تعلم العلم في القرن الحادي والعشرين – تر: مصطفى ابراهيم فهمي/العلم ثقافة المستقبل – د. أحمد شوقي/الا العلم يا مولاي – د. أحمد شوقي/قصة الاقتصاد المصري - جلال أمين/رواية علاء الأسواني الجديدة (اذا نزلت)/ باقي الكتب في الكومنتات

لستة الكتب اللي هشتريها من معرض الكتاب مدخل رياضي الى عروض الشعر العربي – أحمد مستجير/العقل المحيط – ترجمة: ثائر ديب/تشكيل العقل الحديث – تر: شوقي جلال/حكايات عالم عجوز – د. سمير حتا صادق/تعلم العلم في القرن الحادي والعشرين – تر: مصطفى ابراهيم فهمي/العلم ثقافة المستقبل – د. أحمد شوقي/الا العلم يا مولاي – د. أحمد شوقي/قصة الاقتصاد المصري - جلال أمين/رواية علاء الأسواني الجديدة (اذا نزلت)/ باقي الكتب في الكومنتات

بعمل دلوقتي ليستة الكتب اللي هشتريها من معرض القاهرة للكتاب .. وهتكلف كام .. أنا هيتخرب بيتي رسمي
:)

دي لينكات حلقات البرنامج الاذاعي زيارة لمكتبة فلان:ـ
أنا سمعتها كلها ..روعة .. بالذات حلقة نجيب محفوظ مع توفيق الحكيم و حلقةالأسواني

http://dvd4arab.maktoob.com/f556/2270...
-----
http://archive.org/search.php?query=%...

ياريت اللي يلاقي لينكات لحلقات تانية يقول

حصاد العام
أفضل كتاب روائي:أرخص ليالي
أفضل كتاب واقعي:أبو شاكوش
أفضل كتاب تنمية بشرية: ملخص قواعد اللغة العربية
أفضل كاتب روائي:يوسف ادريس
أفضل كاتب واقعي:حسين أحمد أمين
كاتب مخضرم أكتشفته هذا العام:غازي القصيبي
كاتب شاب أكتشفته هذا العام:طلال الفيصل
أفضل كتاب بالصدفة:البساط ليس أحمديا
أسوأ كتاب:مثلث العشق
أرجو من الأصدقاء عمل قائمة لحصاد العام تشبه قائمتي مع تغيير ما يحلو لهم لنستفيد منها