هاجر العتيبي ’s Reviews > The New Age of Sexism: How AI and Emerging Technologies Are Reinventing Misogyny > Status Update

الكتاب بالنسبة لي كان أقرب لاستعراض ظواهر حديثة مرتبطة بالتمييز الجنسي والذكاء الاصطناعي والسوشل ميديا والتكنولوجيا بشكل عام أكثر من كونه نقاش يتعمق فعلًا في معنى الذكاء الاصطناعي وتأثيره كنت أتمنى لو الكاتبة توسعت أكثر في التفاصيل بدل ما يكون الطرح بشكل رؤوس أقلام

لي ساعه قاعده احاول ارتب افكاري عن الفصلين 3و4 لان حسّيت ان يمكن ما فهمت الكتاب عدل بما اني كل شةي اوقف و أبحث عن المواضيع اللي تذكرها الكاتبة عشان أفهم المقصود أكثر يمكن المشكلة فيني أنا أو يمكن لأن الطرح نفسه يمر على الأفكار بسرعة. أنا ارجع الاحتمال الثاني ^-^

وادري ان مستحيل نقدر نتخلى عن النت بس بصراحة احس حياتنا بتكون افضل ان حدينا من استخدام التكنلوجيا ادري اني رجعيه بس النت يخرع ومافي قوانين عالميا تحمينا كمستخدمين بالعكس اغلب القوانين ضدنا فقط تخدم الشركات الغربية و الى الان نجمه واحدة عشان لهجتها البريطانية

حتى الان انا ضده بعض افكارها اللي طرحتها لانها ماعطتني اي تبرير منطقي وعقلاني لكلامها , ادري بعض كلامها واقعي وكلنا نتفق عليه بس تصريحاتها شوي مبالغ فيه كل شوي تذكر احصائيات وعقبها تسحب عليهم انزين ليش تذكرينهم اذا مراح تستدلين فيهم ؟ ماعليه اعتبرينا اغبياء ووضحي افكارج لنا يا مولاتنا واي صح الفصل الثاني عدته مرتين افهم كلامها

تو خلصت جابترين شوي حبطوني صراحتا مدري إذا الكاتبة تحاول تستفزنا عشان نخلي فضولنا يكمل القراءة أو إذا الفصل فعلا يعكس قناعتها الصادقة أنا كلش مو متحمسة أكمل، بس في الوقت الحالي ما عندي خيار غير أن أكمل لان مابي اضيع وقتي على مسلسلات فمالي غيرها >x<