Marwa’s Reviews > النهاية : الكوارث الكونية و أثرها فى مسار الكون > Status Update

فرانك كلوز المؤلف مش سايب حاجة مش قايلها، نظرية الأوتار، الأكوان المتعددة، المادة المظلمة، المادة الغريبة، ضديد المادة، الشهب، الكويكبات، المذنبات، النيوترينو ... الكتاب موسوعي فعلاً!

كل المجرات بما فيها من بلايين النجوم والكواكب، المادة المكونة لها هي فقط 5٪ من المادة المكونة للكون، والمادة دي هي المادة المرئية لنا أو اللي نقدر نرصدها بالأشعة تحت الحمراء أو بأي وسيلة أخرى، الخمسة في المئة مش أكتر من شيء بيطفو في بحر من مادة خفية مظلمة، والمادة المظلمة هي المسيطرة على العرض في هذا الكون.

الشمس التي نراها ليست الشمس الآن، بما إن الضوء بيقطع 8 دقائق عشان يوصل لنا من الشمس، فالشمس اللي بنشوفها هي الشمس من 8 دقائق، ولما السفينة فوايجير وصلت كوكب يورانوس سنة 1986 استغرق وصول الصور إلى أرض 3 ساعات، المشكلة إن العلماء لو أرادوا أن يأخذوا صور أكثر وضوحا لنفس الموقع مش هيعرفوا لأن وصول رسالتهم لفوايجير هيستغرق 3 ساعات، الوقت اللي فوايجير هتكون بعدت فيه عن يورانوس| عامل الزمن قاهر فعلا في الفضاء

ومزيد من البحث عن فوايجير - سفينة الفضاء المجوسية - تكشف عن إن مهمتها على وشك الانتهاء، بعد ٣٩ سنة قضتها في الفضاء بسبب نفاذ وقودها النووي، ومتوقع تنهي مهمتها عام ٢٠٢٠، ولو استمرت في مهمتها كانت هتوصل لسحابة أوورت (سحابة مكونة من ١٠٠ بليون مذنب تقع بعد مجموعتنا الشمسية) بعد ٣٠٠ سنة وكان عبور السحابة نفسها هياخد ٣٠,٠٠٠ سنة!

ذا مومنت لما تقرأ في كتاب اتكتب أواخر التمانينات عن سفينة مجس فضائية اسمها فوايجير 1 انطلقت عام 77 لاستطلاع كواكب المجموعة الشمسية وما وراءها، وتدخل تدور على جوجل عشان تعرف مصيرها تلاقيها بقالها 39 سنة في الفضاء وخرجت من مجموعتنا الشمسية من سنة 90 ولسه بتسجلنا مشاهداتها من بين النجوم، عشان تبقى أبعد سفينة يتم إطلاقها من الأرض!