Nihal Essam’s Reviews > الحزن البعيد الهادي > Status Update

وضحك البنت مش معناه
بإن البنت ناسية الحزن
وناسية الخوف من الأيام
وعارفة تعيش وعارفة تنام
لأن البنت يا سادة..
هتفضل برده كالعادة
سؤال وعلامة استفهام؟!

عارف ساعات بحتاج افضفض لك
وانت ساعات أكتر متسمعنيش
فطبيعي جدًا بعدها تسألني ما لك؟
فيكي إيه فأقول "مفيش"..
فيه حاجات كتيرة إن متقالتش ف وقتها
لو تيجي تسأل بعدها
مبتتحكيش..
أنا محتاجة أفضفض لك فمن فضلك
يا ريت تهتم تسمعني
عشان في ألف مية حاجة
بسببك غاوية توجعني

بعد بعدك عني فعلاً
كنتي أقرب مما كنتي
كل حاجة عبارة عنك
كل حاجة بشوفها إنتي
سايبة ريحتك بين هدومي
سايبة قلقك بين همومي
سايبة أيامك ف يومي
وذكرياتك ملهاش نهاية
سايبة صوتك بيحاوطني
سايبة صورتك في المراية
سايبة حاجة فكل حاجة
رغم إنك مش معايا!