Kamran’s Reviews > Roop > Status Update

چہرہ دیکھے تو رات غم کی کٹ جائے
سینہ دیکھے تو امنڈا ساگر ہٹ جائے
سانچے میں ڈھلا ہوا یہ شانہ، یہ بغل
جیسے گل تازہ کھلتےکھلتے پھٹ جائے

نغمے کی الاپ ہے کہ قامت کا تناؤ
کہتا ہے ہر عضو پینگ شعلوں کی چڑھاؤ
آ آ کے راگنی کھڑی ہوتی ہے
دیکھے کوئی سجل بدن کا یہ رچاؤ

زلفوں سے فضاؤں میں اداہٹ کا سماں
مکھڑا ہے کہ آگ میں تراوٹ کا سماں
یہ سوز و گدازِ قد رعنا! جیسے
ہیرے کے منار میں گھلاوٹ کا سماں

- فراق گورکھپوری