pəˈteɪtəʊ’s Reviews > جولة تفصيلية في قلب على وشك السقوط > Status Update

ومابطّلتيش تبقي روتيني

أنا خايفة
لأكون م الأصل مش وحشاك
وأنا أصلا
مافيش غيرك في أحلامي!

ولقد ذَكرتُك كل ليل ونهار
وآمنت بيك والكل كان كُفار
عاهدت ضيِّك يبقى ليا أمان
يا من هواه كان حُب عادي زمان
دلوقتي حُبك يُعتبر إدمان. ✨

كنت خايف معظم الأحوال
شخص خايب غالِب الأوقات
عشت عالم كان خيال في خيال
ماشي أكلم روحي في المرايات
عِشت أحاوط نفسي بالروايات
رغبة مني إني أحس أمان
كنت عارف إني شخص جبان
قُلت أخلي الصُحبة في الإمكان

وحُضنك ليه قطع بيا
ما طمنّيش
وسابني يتيم بدون أنفاسه تملاني
وهُنت عليكي ماوحشكيش
وأنا في النومة والقومة
بدندن ياللي وحشاني!

من إمتى فيه قلب اتكسر م الخوف؟
الخوف لأكون بعدك بقيت مش عارفة أشوف

طول عمري بخاف
م القرب
وأسبابه
والحب، عشان الواحد بيضعف بعد أحبابه

وبخاف من حد اتعوّد
واتعلَق بيه ويمِل
وبخاف من حُضن أحتاجله
لحظة مايكون هيزول
أنا كنت بخاف م الضلمة
دلوقتي بخاف علي طول ✨

أنا كنت بخاف م الضلمة
ويعوِّد خوفي يِقل
دلوقتي بخاف م الضلمة
وبخاف م النور، والضِل
وبخاف من وِحدى تموّت
وبخاف من حُب يِذِل ✨