ᥫ᭡ مَـريَم زهـرة’s Reviews > أحمد سماعين: سيرة إنسان > Status Update

التعب الأكبر حزن النفس في آخر العمر ..
لما تلقاك قضيت عمرك كله لم دقت إلا الحزن ..
والعمر بيخلص قدامك ..
ومحطته علي بعد الرِّجل ..
وأنت طالع منها بلا ضحكة .. وبلا حاجة تسر القلب
تزعل .. وتموت وأنت ماشي ..
قلبك ييبس .. ولسانك يقعد علي القول ما يقومش ..

الصـاحب يا سيد العارفين ,
حِـرز و سـاعد ..
و انا عضـم ضـلوعي
رويـان منك وِد و عُمـر ..

وعيـون صافيـه صفـاوه الحـزن ..
حـزينه حـزن السـن ..

ميـن في زماننـا دا لاقـي صحـاب ؟
ييجـوا و يدقـوا البـاب ..
و ينـادوا عليه ..
و يحطـوا كفوفهـم علي قلبـه 💗
ده سؤال القلب الطيب ..
ولازم له جواب ..

مـن صغـره عـرف الشـق طـريق كفـه ..
مـن صغـره إتعـلم قطـع الشـوك من رجـليه ..
وإن سال الـدم ,
يكبس قـلب الجـرح "رمـاد الفـرن" عشـان يـداويه ..

اول ليله...ماتغمضلوش عين ..
الفكره المجنونه بتجرى جوه دماغه زى الوطواط ..
تطلع.. تنزل.. تجرى.. تتكعبل..
تلزق فى سقف الراس ..
ولما يحس بانه خلاص ارتاح وعينيه تغفل ..
يفلت ويحوم فى دماغه من تانى الوطواط
"اللهم مخذيك يا شيطان"