منة عبد الفتاح ’s Reviews > المرأة والدين والأخلاق > Status Update

ده علي أساس إن النسويه وصلتنا لليوتوبيا؟

بعيدا عن عبثيه السؤال أنا مؤمنه إن آه :)
لو الأدوار رجعت للصح أجزاء كبيره جدا هتتعدل و مش بعيد الحروب تنتهي لأن كل قائد حرب مراته عامله أكله شكل و مستنين الشفت يخلص عشان يروحو يتغدوا و يقعدو مع ولادهم شويه،و ينامو :)

قرأت الاقتباس اولا و فتحت الصفحة علشان ادخل اكتب تعليق ناقد ليه , و بعدين قرأت تعليق حضرتك اسفل الاقتباس و هو نفس اللى كنت هقوله تقريبا

نوال السعداوى مشكلتها الكبرى فى نظرى من خلال ما قرأته لها
انها كانت تتمنى لو كانت رجلا , فلما اخفقت فى ذلك ارادت الانتقام من كل الرجال , حالة الكره و البغض اللى بيظهر من بين كلماتها غريبة جدا ..

نظريه تستحق الاحترام :)
فعلا عندها غضب غير مبرر تجاه نوع الرجال بشكل عام و مناطحه بلا هدف في كل حججها.
وبرضو حضرتك لا نغفل كرهها للدين و كل تشريعاته بدون فهم مما يجعلها أكثر تحفزا تجاه أي تفضيل فضله ربنا لنوع آخر غير نوعها
وده إللي دكتوره هبه استنتجته لما لاحظت انها بتشير للإله ب "هو" فكره الرجل و الإله - نعوذ بالله مندمجان في اللاوعي الخاص بها.

و ايضا مشكلة هؤلاء انهم مش بس بيطالبوا بالمساواة , لا دا الموضوع بيوصل معاهم لجعل المرأة هى الجنس الافضل و الاقوى , بل اعتبارها " الها " ودا فعلا اللى بيتقال فى الكتب , ان البشرية فى مراحلها الاولى قبل ( التطور ) كانوا بيعبدوا الانثى , المرأة باعتبارها التى تُنجب و تصنع الحياة , ثم قام الرجال بحركات ( تمرد ) ... و ( اختلقوا ) هذه الاديان السماوية الذكورية التى " استعبدت " النساء ..
ودا مخالف للحقيقة , حقيقة ان آدم عليه السلام و اولاده كانوا على التوحيد ..ثم بمرور السنين انتشر الكفر و بدأ البشر بعبادة آلهة متعددة منها المرأة و الحيوانات و الجبال و الانهار و الرجال ايضا .. ثم ارسل الله الانبياء و الرسل لاعادة الناس الى التوحيد ..اعادتهم الى اصلهم الاول

من يقرأ فى الكتب الاصلية للنسوية , الكتب الغربية الاصلية التى نقلت " غشت " منها نوال السعداوى و من على شاكلتها .. هيلاقى ان النسوية مرتبطة ارتباط تام بــ " السحاق " و بالالحاد ..ظلمات بعضها فوق بعض ...

مظبوط جدا و ده ذكرته دكتوره هبه برضه في جزءها لنقد الجزء الخاص بنوال.

لا يأتي علي الناس زمان إلا والذي بعده شر منه فربنا ينجينا من الفتن يارب ما ظهر منها وما بطن.

شكرا للمناقشه الثريه نفعنا الله بما علمنا

"لكن د. نوال لا تقرأ الواقع ولا التاريخ ولا تكلف نفسها مشقة قراءة مراجعه، بل تكفيها الأساطير الفرعونية القديمة والتي تخلط بينها وبين الدين وبينها وبين التاريخ، ويصبح الدين مقبولاً إذا كانت المرأة هي الإله، فقط"
الاقتباس لد. هبه من صفحه متقدمه في الكتاب :)