حماس > Status Update

لكن لأصدقكم القول فإني أشعر بغربة نوعا ما هنا
___
عندك حق و الله , انا دخلت الموقع فى 2014 لاول مرة , ناس كتيرة من اللى كانوا وقتها موجودين اختفوا , و الجزء الباقى غير موجود بشكل دائم كما كان سابقاً , فيعنى انا ايضاً مفتقد الجود ريدز بصورته القديمة جدا , اغلب الناس اللى عندى فى قائمة الاصدقاء لا اعرفهم و احيانا بسأل نفسي مين دا ؟..
الاسوأ لما بدخل على صفحة حد و اتفاجأ انه مواليد 2000 .. نعم ؟..2000 ازاى ؟ ومن كام يوم كان فيه حد مواليد 2008 .. انا اصلا مش متخيل ان حد اتولد بعد سنة 2000 ....تقريبا عجزنا شوية ...بس انا مؤخراً بجبر نفسي على التواجد هنا لانى مفتقد القراءة جدا , فهى الشىء الوحيد اللى بعرف اعمله تقريبا , و الموقع احيانا بيكون محفز للقراءة

على كل حال سبحان من يغير و لا يتغير
و ربنا يرحم هناء الماضى رحمه واسعة , من الناس اللى الموقع من غيرهم بارد كئيب
عليها رحمات الله و رضوانه

ايضاً شكل المراجعات نفسه و محتواها اختلف عن زمان , زمان المناقشات كانت اقوى من كدا , الكتب الفكرية و الاختلاف عليها كان اكبر , لكن الان مش شايف دا فى الموقع , ايوه زمان كان فيه دوشة الى حد ما و صداع فى بعض الاحيان , لكن كان فيه حماس للقراءة , لكن حاليا لا مفيش الكلام دا

وكمان فكرة رفع الصور الكوميدية التى تم استلالها من الافلام السينمائية ووضعها داخل المراجعات من الاشياء البايخة جدا اللى نفسي بتجزع منها بصراحة ...تقريبا بسبب احوال البلد مفيش حد عنده دماغ لا للسياسة و لا للنقاشات من اى نوع سواء كانت فكرية او غيرها

حماس الجميلة♥
وحشتينا جدا♥
سعيدة انك رجعتى تانى♥

Ahmed wrote: "لكن لأصدقكم القول فإني أشعر بغربة نوعا ما هنا
___
عندك حق و الله , انا دخلت الموقع فى 2014 لاول مرة , ناس كتيرة من اللى كانوا وقتها موجودين اختفوا , و الجزء الباقى غير موجود بشكل دائم كما كان سابقا..."

انا على الموقع من 2012، مفهوم جدا بالنسبالي اللي بتتكلم فيه.. انانفسي اتعلمت كتير جدا من النقاشات اللي دارت هنا
وآراء الأصدقاء وقراءاتهم وريتني جوانب مكنتش واخدة بالي منها اطلاقا ودايما بذكرلهم الفضل ده

هي الصراحة أحوال البلاد كلها توجع القلب وروقان البال يكاد ينعدم
فربنا يعين الناس والأزمات دي تنفرج على خير

هبة الله wrote: "حماس الجميلة♥
وحشتينا جدا♥
سعيدة انك رجعتى تانى♥"

رؤية اسمك لوحده يا هبة بيفرحني جدا
الواحد مهما راح ولا غاب لما بيرجع بتكوني مستقبلاه دايما بالترحاب
ربنا يديم وجودك يا جميلة ❤️

حماس wrote: "هبة الله wrote: "حماس الجميلة♥
وحشتينا جدا♥
سعيدة انك رجعتى تانى♥"

رؤية اسمك لوحده يا هبة بيفرحني جدا
الواحد مهما راح ولا غاب لما بيرجع بتكوني مستقبلاه دايما بالترحاب
ربنا يديم وجودك يا جميلة ❤️"
انت من الشخصيات التى لاتنسى والله
وياريت نرجع نقرأ مع بعض تانى
وحشتنى القراءة معاك♥

أهلا وسهلا فيكِ يا حماس وسبحان الله جاءتني هذه الفكرة من يومين ههههههه، أذكر أيام ال ٢٠١٥-٢٠١٧ كان الموقع "مولّع" بالنقاشات بل كان يوجد نوع من التحدّي أيضا والحماس لتجربة الكتب وكتابة المراجعات التي كان يتفاعل معها عدد كبير ولكن معروف من الأصدقاء فكان فِعلاً في الموقع نوع من الأُنس، غير اللهفة للقراءة طبعاً
ولكن بعيداً عن الجو النوستالجي لا بد أننا أيضا تغيّرنا كثيراً ونضجنا في رؤيتنا لما نقرأ وما نفكّر به وتلك نعمة كبيرة ان شاء الله، فأنا إذ أراني أقرا مراجعاتي القديمة أشعر بالخجل أحيانا ههههه، بالخجل مما كتبت وأرى أنه قمة في السذاجة والسطحية أحيانا.
على كلٍّ، هجوم باقي منصات التواصل الاجتماعي على حياتنا لا بد أنها أثرت على مقدرتنا في الصّبر على القراءة وتخصيص الوقت لها وهذا الشيء لم يكن موجوداً حين كان الموقع نشطاً، على أمل أن نستعيد من همّتنا للقراءة ولو شيئا يسيراً، فمرحباً بك مرّة أخرى ونحن متحمّسون لمشاهدة قراءاتك الجديدة ان شاء الله 🙌