كونشرتو غياب Quotes

“قهوتي في صبح غرقان بنعاس / وصوت فيروز بطريقي لكل مكان / لما تغني : سهار بعد سهار / وياخذنا السهر مشوار.”
― بشاير الشيباني, كونشرتو غياب

“يصادف ألقاك ف شرودي
في الموعد اللي ما نطرته !
على الكراسي الخالية
في وسط مقهى أو كتاب
أو في مقطع أغنية
أو في شارع ما أعرفه
ف نظرة العشاق صدفة
ف لون قرميد المباني
وف تجاعيد الأماني ! ..”
― بشاير الشيباني, كونشرتو غياب

“ودي أنسى / إن قلبي كان مرسى / ترمي جروحك عليه / كل ما مريت فيه / بعدها ترحل وتقسى.”
― بشاير الشيباني, كونشرتو غياب

“الليلة سهر
واحساس مرهق منكسر
أكتب لك بدمع الشعر
جمر الكلام..
مُرني منام !
وخلني على صدرك أنام
هدني التعب !”
― بشاير الشيباني, كونشرتو غياب

“ليش أحاتي وشغلي الشاغل وجودك؟ / وينك انت ف أي مكان وليش أنا خارج حدودك؟ / والزمان اللي جمعنا ليش ما عاد الزمان !؟”
― بشاير الشيباني, كونشرتو غياب

“إعذر لساني
لى تلعثم بالكلام
وما عَرَف ينطق أحبك !
إعذر بعد كلمة أحبك لو تموت
ما بين صمتي والسكوت !”
― بشاير الشيباني, كونشرتو غياب

“وتكون إنتَ الحلم !
تتسرَّب..
ما بين أصابع ليـل..
خادِر بالنعاس !
تشعل في صدري أنفاس
تتلحَّف عيوني سهر
أحلام.. عيَّت لا تنام
وف خدي غمّــازة تعب
وف نظرتي زحمة كلام
ويطير من صوتي غمام !”
― بشاير الشيباني, كونشرتو غياب

“نامت عيون اللقا / وصار السهر ميعاد / مدّيت لك كفي شقا / بس الألم ما فاد.”
― بشاير الشيباني, كونشرتو غياب

“تَذْكِر ؟ اعذر الذكرى بعد / لما تصير كل التفاصيل الصغيرة حاضرة / وأبسط الأشياء تاخذني إليك.”
― بشاير الشيباني, كونشرتو غياب

“ليش أعيد ف ذكرياتك ؟ / ليش أمرِّر كفي البارد على جمرة وداعك ؟ / ويحترق قلبي وله وأسئلة ما تنتهي.”
― بشاير الشيباني, كونشرتو غياب

“أبي تكذّب عواطفنا / مشاعرنا حكي وأشعار / ولا كنا نحب احنا / ولا كان الهوى همنا / تبي ترتاح؟ صدّقني.. / هوانا كذب ولعب صغار.”
― بشاير الشيباني, كونشرتو غياب

“يمي انتَ / ومنت يمي / همّك أكبر من وجودي / وأنا قربك كل همّي.”
― بشاير الشيباني, كونشرتو غياب

“يتراءى لي احياناً بأني وترٌ في الة الكمان الذي بيديك: انت تؤلمني، لتسمع صوت بكاءي”
― بشاير الشيباني, كونشرتو غياب

“سرقت الصبح من عيني”
― بشاير الشيباني, كونشرتو غياب