قفص عصافير Quotes

“يا حزن يعقوب..
أنا حزني جنبك..أكيد أقل
ويا صبر أيوب..
أنا صبري فيه منك..ما بيملّ”
― نورا خشبة, قفص عصافير

“وهي الدنيا إيه غير جناح بعوضة
وهي الأرض إيه غير بس أوضة
فيها العفش متكرر..
وفيها الوش متكرر..
ف الأول بنتقابل..
وف الآخر بنتفارق..
ونرجع صدفة نتلاقى
بنلف ف دايرة مشدودة
محدش داري بالأقدار
محدش داري إيه إختار
ضيوف إحنا على جناحها
قاعدين لفترة محدودة”
― نورا خشبة, قفص عصافير

“وليه الملح جوّه البحر
وليه الملح جوّه دموع
لازم نبكي ..
ونشكي البحر ،
وطعم الملح
نستطعم ..
ليرتاح اللي كان موجوع!”
― نورا خشبة, قفص عصافير

“عايش على النوستالجيا
وحنيني للماضي..
مشوّش حياتي الجاية
بفكّر كتير ف زمان
وبعيش ع اللي كان
طب وأنسى حاجة إزاي
مترسّخة فيّا
أنا خايف أكون ف الجاي
صورة منسيّة
أنا ساند على حيطان الماضي
ومتلصّم ببواقي الذكرى
معرفش بقى بحن بالفطرة
لأيام كانت إمبارح
وناسي إنه فيه بُكرة
وفكري بالحنين سارح
ف عَبَق الماضي وإحنا صُغار
برغم بساطته..لكن صورته
لسه محوطاني ليل ونهار
نوستالجيا لأي حاجة زمان
صورة..شخص..مزيكا..فيلم..أغنية
أي حاجة بتصحّي الحنين فيّا
حتى الروايح والأماكن
أثرها لسه ف الوَجد ساكن
كام ذكرى عالقة ف الخيال
أو زي ما قالوا ف الأمثال
كل أول كان أبرك من آخر
أو الإنسان..بطبعه
بيميل للحنين لزمان
ولا ده سرّه..
إن الماضي ولّى وخلاص إنتهى
ومبقاش بإمكانك ترجع
لحاجات زمان عيشتها
فمن البديهي نسيت عيوبها
ف بتشتاقلها..
وإن رجع بيك الزمن
كنت بنفسك سيبتها
واللي زي حالاتي
مصابين بفرط النوستلجة
الحنين ممزوج بالألم
لشيء راح للأبد
والخوف من إنه فعلاً إتفقد
ومستحيل هيعود..
ف قلبت لحالة مرض
قابلت وشوش مابعرفهاش
بشوفها طشاش
وفارقت وشوش بتحبني
أنا خايف من غيرها أنحني
ف بعمل باك للفلاش
كل ذكرى كات قديمة
بتعدّي زي شريط السيما
ومابنساهاش
عندي داء النوستالجيا
بيجيلي ف كل الأوقات
وساعات..بحس إني خبر كان
وإن الزمان مش زي زمان
وبحن كتير أشوف في الحاضر
الماضي بيرجع مش بيغادر
وأحلم مكونشي إنسان ضايع
قُدّامه مستقبل مُبهم بيصارع
وفجأة أفوق..وأفتّح عيني
ألاقيني..رجعت لفعل مُضارع”
― نورا خشبة, قفص عصافير

“وعشان نوصل لأحلامنا
لابُـد الصبر يلازمنا ..”
― نورا خشبة, قفص عصافير

“أنا قصة مع الوقت بتطول
أحداثها تمُط..
أنا لولا تراجيديا حياتي
مكنتش كُنت..”
― نورا خشبة, قفص عصافير

“أنا أسرع واحدة تكتب
وأخيَب واحدة تتكلّم
أنا أحسن واحدة تشعُر
وأسوأ واحدة تعبّر
أنا أول واحدة تحس
وآخر واحدة بتتألّم
أنا أكتر واحدة تطمّنك
وتدّيك شحنة أمل
وهي الخوف ماليها
ولا تعرف إيه العمل
أنا أحسن واحدة تنصح
وأكتر واحدة تريّح
وآخر واحدة تجرح
أو م الجرح بتتعلّم
أنا أكتر واحدة كلامها
يتقري دايماً ف عينيها
من قبل ما تتكلّم”
― نورا خشبة, قفص عصافير

“سامحنا يا رب..غصب عننا
كل الظروف كات ضدنا
كلها أمواج بتشدّنا..
وإحنا ليها مِسَلِّمين

صراعنا كان مع نفسنا
مفيش ولا قدوة تدلّنا..
تايهين في دُنيا لوحدنا
مش عارفين الصح فين!

كل حاجة حوالينا
بتهد وتحبط فينا..
وتاخُدنا في التيار..

كان لازم ليها نضعف
مكُنّاش للصح نعرف..
كان صعب الإختيار..

جيل قبلنا صغّرنا..وقلِّل مننا
ظلمنا بحُكمه علينا
وحطّم حلمنا..
خلّانا يا دوب عايشين
ملناش رأي وسلبيين

مشّونا في طريق مسدود
لا ليه بداية ولا نهاية
كإننا ملناش وجود..
ولا كيان ولا هدف ولا غاية

ماليين العالم بطموحنا
وإنت يا رب اللي داري بروحنا
مهما نحاول نتغيّر..
بنلاقي روحنا ف مطرحنا

الذنب يا ترى على مين..
على جيلنا إحنا اللي تُوهنا
ولّا ع الجيل اللي تَوِّهْنا..
ولّا الذنب..محسوب يا رب
علينا إحنا الإتنين .”
― نورا خشبة, قفص عصافير

“وفي قلبي كلام
متشال ..
إتحكم عليه بالإعدام
من قبل ما يتقال!”
― نورا خشبة, قفص عصافير

“بنتظلم..
ومن الظلم اللي بنشوفه
بيصعب علينا نفسنا
حاولنا ياما..نظهِر الحق
ودافعنا ياما..عن نفسنا
لحد ما صوتنا إتنبَح
ولا حد سامع حسِّنا”
― نورا خشبة, قفص عصافير

“يبان من برّة شكله ظريف
بيقولوا لذيذ ودمه خفيف
وهو حاسس من جوّاه
إنه تقيل بشكل مُخيف
تِقل من طوُل أحزانه
تِقل وضاق بيه مكانه
تِقل وخايف لـَ قلبه
يصفر ويقع ويموت
زي ورق الشجر ف الخريف”
― نورا خشبة, قفص عصافير

“طب نبدأ نبني إزاي من فوق
إذا كان القاع مهري ومشقوق
قاع المباديء والأخلاق ..
أساس وعمود فـ كل بناء
جوّه ضمير أكرم مخلوق

نفسي الأخلاق تبقى أساسنا
هي حياتنا وتاج فوق راسنا

نفسي الكل يصحّي ضميره
ومايقبلش يجرّح غيره .”
― نورا خشبة, قفص عصافير

“يا حكمة زمان مافهمتهاش غير دلوقتي
ويا حكمة الآن هتبان ف يوم بعدين
لو كنت عارفك مكنش ضاع وقتي
ولا كنت أعيش ندمان على اللي فات بسنين
لو البشر إتعلموا من حكمة وصبر الخضر
مكنش ندب الحظ بقى طبع بني آدمين”
― نورا خشبة, قفص عصافير

“الأحلام زي القلوب
بين إيديك يا رب
بتوزّعهم ع البشر
زي ما بتحب
ف أحلامي اللي لسه ماجتش
بستسمحك فيهم
تقرّبهم..لو هُمّا خير
ولو مش خير..تخلّيهم
يا مُقلِّب الأحلام
ثبّتلي أحلامي
وإجعلّي فيها نصيب
وأشوفها قدّامي..
ف يوم يا رب قريب
من بعد يأس سنين
ويبقى تاني ميعاد
وأعرف باليقين..
السكة تبقى منين”
― نورا خشبة, قفص عصافير

“ومهما تعاندي يا دنيا معايا
ولقيت الحزن ورايا ورايا
مستحيل أبداً هتموت ،
الطفلة .. من جوايا .
:")”
― نورا خشبة, قفص عصافير

“ونفتكر أبونا آدم
لما خرج م الجنة
ونزعل أوي ..
إنه مفضلش فيها وإستنى!
ونسينا حكمة ربنا في إختبارنا
وإختبار الصبر جوانا ..
حتى في أحلامنا .”
― نورا خشبة, قفص عصافير

“لو أعرف بُكرة إيه هيجيب
ولو بعرف في علم الغيب
مكنتش هحلم وأتمنى!”
― نورا خشبة, قفص عصافير

“أنا لما بفرح
كل الدنيا بتعرف
وأحكي لكل اللي بقابله
ولا أعرف أخبي
ولما بحزن
محدش يدرى إيه بيّا
وأكتم جوايا
وأشيل الهم لوحدي
أنا وقلبي .”
― نورا خشبة, قفص عصافير

“يا رب نقّيني
وطهّرني ونجّيني

ولو في يوم ضلّيت الطريق
عرّفني يا رب
وإنذرني ورسّيني

ولطريقك من تاني
إهديني وودّيني

أنا عارفة يا رب
إن لو كل أحلامي ماتت
والأمل ويّاها ساكت

عُمر ما هيموت جوايا يقيني
إنك بنفخة واحدة فيّا من روحك

هتحييها .. وتحييني

هتحييها .. وتحييني .”
― نورا خشبة, قفص عصافير

“سُبحانك يا رب
يا مهوِّن الأحزان
علمتني إن الصبر
هو مربَط الإيمان
وإني مهما عافرت ف الدُنيا
وجريت ورا حاجة مش ليّا
مش هاخد غير نصيبي
ومهما أعِدّ لياليّا
وأرتّب لحياتي الجاية
ف كل شيء بأوان”
― نورا خشبة, قفص عصافير

“وبرغم الحزن اللي ساكنها
وصوت الثورة ف ميادينها
والدم السايل ع جبينها
وشبابها الميت فيها حباً
من قبل ما يدوق
حبها بأوان ..
حالف ما يخيّب لها حلماً
ويوصل بيها
لبر أمان
كل ده ...
ولسه قادرة في حضنها
تلمّنا ..
ولسه قادرين نحبها
من قلبنا
برغم اللي حاصل واللي كان .”
― نورا خشبة, قفص عصافير

“أنا زي حلم ناقص ..
مقصوص منه حتة!”
― نورا خشبة, قفص عصافير

“الدُعا كيفي ،، والصبر ملاذي ..
:")”
― نورا خشبة, قفص عصافير

“وساعات..بحس إني خبر كان
وإن الزمان مش زي زمان
وبحن كتير أشوف في الحاضر
الماضي بيرجع مش بيغادر
وأحلم مكونشي إنسان ضايع
قُدّامه مستقبل مُبهم بيصارع
وفجأة أفوق..وأفتّح عيني
ألاقيني..رجعت لفعل مُضارع”
― نورا خشبة, قفص عصافير

“الزهد بقى عادة تخوّف !”
― نورا خشبة, قفص عصافير