ضحكة طالبة التأشيرة Quotes

“تقول الجريدة يقول الخبر
بأن السيادة لحكم البيادة
و إن العبادة لواحد أحد
عبادة قديمة و دين أندثر
و إن الديانة الجديدة المجيدة
منافقة سيادة شيوخ الغفر
يقولوا يقولوا يزيدوا يعيدوا
ما بين صفحة أولى و صفحة بليدة
أخيرا يا شعب الحضارة العتيدة
جنابه تكرم و أعطى عبيده
جواز الدعاء و القبول من سماته
و حق التكاثر و حق التسكع
و حق الوشاية و حق التخابر
على كل كافر و عايب فى ذاته
و صلوا و صوموا و ضحوا و زكوا
و فكوا لسانكوا و غنوا و عكوا
و قادر يسامح و يمحي غلطكو
و يغسل قلوبكم بنابه و فكَه
تقول الجريدة دمائنا فدائك
يا رب العطايا كثير علينا
كلامك مقدس كمثل الوصايا
قَبلنا و أقبل و خدنا ف رحابك”
― مصطفى التلواني, ضحكة طالبة التأشيرة

“مليش ف لعب الزهر مليش ف أي رهان
أنا كات صلاتي جهر بالوحدة و التوهان
إيه السبب ف البوح و ف أنشراح الروح؟
صندوقي كان مقفول على الجراح و النوح
إيه اللي جرجرني لسكة الفضفضة؟
يمكن أكون عطشان يمكن أكيد م الفضا
بس أنا مملكش حق البكا ع الذات
و لا فاضي أحكي و أعيش ف ذكريات
متجيش غير بس ف الأزمات”
― مصطفى التلواني, ضحكة طالبة التأشيرة

“إزاي تنول ضحكة قبول من بنت خايفة من الوجع؟!
قول لو جدع!!”
― مصطفى التلواني, ضحكة طالبة التأشيرة