ჩიტის და კაცის ამბავი Quotes

“[მამამ] ბოლოს მაინც მითხრა:
„ერთი რამ დაიმახსოვრე... მე მირჩევნია, შენ დაგჭრან, ვიდრე - შენ დაჭრა ვინმე...“ - ჩემ მიერ ძველი ხის მაგიდის უჯრიდან მოპარული და მილიციის განყოფილებიდან უკან გამოტანებული სანადირო დანა ქურთქუკის ჯიბეში ედო.
ახლაც არ ვიცი რამ მიკბინა. რა, რა და მეამბოხე არასოდეს ვყოფილვარ, არც მქონდა სახლში საამისოდ საქმე. მგონი, მომინდა უფრო საშიში ვგონებოდი, ვიდრე ვიყავი...
„რა გირჩევნია, მე მოვკლა თუ მე მომკლან?!“
გულნატკენი და ჩაფიქრებული ის დიდი ხნის წინ ჩავიდა. მე კი ისევ აქ ვზივარ, მოგონებების და სინანულის ჭრიჭინა ტროლეიბუსში...”
― Archil Kikodze, ჩიტის და კაცის ამბავი

“და გრძელდებოდა დაპირისპირებამუდმივად დაბადების პროცესში მყოფ ერსა და შემდგარ სახელმწიფოს შორის და წესით ამ ყველაფერზე ერთადერთი ბუნებრივი რეაქცია არის გულზიდვა, ოღონდ ამისთვის ჯანმრთელი ორგანიზმი უნდა გქონდეს...”
― Archil Kikodze, ჩიტის და კაცის ამბავი

“თუკი რომელიმე მითოლოგიაში არსებობს სიცილის ღმერთი, ის ეროსის ნომერ პირველი მტერია.”
― Archil Kikodze, ჩიტის და კაცის ამბავი

“სამშობლოც და წარსულიც ორივე გაძვალტყავებულ მოხუცს მაგონებს მოულოდნელად რომ შემოგცინებს უკბილო პირით და გალეულ ხელს ისე მაგრად ჩაგავლებს, რომ გაიოცებ, საიდან შერჩა ბებერს ამდენი ძალა...”
― Archil Kikodze, ჩიტის და კაცის ამბავი