مارينا.. كان يا مكان Quotes

“لأن مرض الإدمان مش مقتصر بس على المخدرات وإنما الإنسان يعتبر مدمن لأي سلوك غلط عارف كويس أنه بيضره ونفسه يبطله بس مش قادر وكل ما يحاول يبطله يظهر عليه أعراض انسحاب نفسية زي اللي بتيجي لمدمن المخدرات لما يحاول يبطلها؛ يقول إبن القيم رحمه الله:

“إن المعاصي تزرع أمثالها ويولد بعضها بعضاً حتى يعز على العبد مفارقتها والخروج منها، حتى تصير هيئات راسخة وصفات لازمة وملكات ثابتة، ولو عطل المجرم المعصية وأقبل على الطاعة لضاقت عليه نفسه، وضاق صدره حتى يعاودها، حتى إن كثيراً من الفسَّاق ليواقع المعصية من غير لذة يجدها ولا داعية إليها إلا لما يجده من الألم بمفارقتها.”
― Amr Ali Ibrahim, مارينا.. كان يا مكان

“مرة وأنا بتكلم مع صاحبي السلفي أستشهدت بمعز مسعود وأ. مصطفى حسني أنهم بيقدموا دعوة للتدين السليم وأن مفيش داعي للتشدد الزائد اللي عند الشيوخ السلفيين. ساعتها صاحبي السلفي قالي خلينا نأجل النقاش في الخلافات الفقهية لأنها محدودة جداً يمكن أقل من 0.01% من الشريعة وأغلبها مقبولة وواخدة أكبر من حجمها، لكن أنت نفسك راجع كلام معز مسعود ومصطفى حسني بتركيز وقارنه بحياتك وتصرفاتك، هل أنت فعلاً بتنفذ كلامهم؟ هل أنت بتنفذ ال99.99% اللي كل الشيوخ والدعاة متفقين عليها؟ مشكلتي ومشكلتك ومشكلة كل المسلمين مش دعاة وسطيين ودعاة متشددين، وإنما مشكلتنا أن إحنا نفسنا مبنّفذش كلام حد فيهم.

طبعاً رده دا كان مفاجئ جداً ليا، كنت متوقع أنه يدافع عن فكره وشيوخه ويدخل معايا في المناظرات اللي بحبها عن حكم المعازف واللحية وصلاة الجماعة وصفة الحجاب ومصافحة النساء وباقي المسائل المشهورة اللي أنا حافظ ردودها من النت وبحب أفتحها وأتكلم فيها بسبب وبدون سبب عشان أحس وأظهر للقدامي أني فاهم فقه كنوع من المراهقة الدينية، ولكنه كعادته كان عاقل جداً ومسمحليش أدخله في جدال عن مشكلة فرعية وإنما رجعني لمشكلتي الأساسية؛ أني أنا نفسي اللي مش كويس وبهرب من الحقيقة دي بأني أنسب فشلي في طاعة ربنا لناس تانية ملهومش سيطرة عليا، بغض النظر مين هما وبيقولوا إيه.”
― Amr Ali Ibrahim, مارينا.. كان يا مكان

“هاكونا ماتاتا - Hakuna Matata”، كلمة سيمبا اتعلمها من تيمون و بومبا أول يوم قابلهم في الغابة بعد ما هرب من أهله. معناها بالأنجليزي “No Worries”، أما في مصر عندنا ليها مرادفات كتير زي “نَفّض”، “كبّر”، “طَنّش”، “إحلَق”، “أفْكِس”.. حسب الجيل والمستوى الإجتماعي اللي بننشأ فيه..

وفي الأغنية الشهيرة اللي في نص الكارتوون شرح تيمون لسيمبا lifestyle هاكونا ماتاتا كالتالي:

It means no worries for the rest of your days, it's our problem-free philosophy.

بمعنى أنه ابتكر فلسفة حياة مبنية على اللامبالاة وعدم الاكتراث بأي حاجة حصلت في الماضي او بتحصل دلوقتي او هتحصل في المستقبل وبالتالي عايش هو وبومبا بدون مشاكل..

أُعجب سيمبا جداً بالفسلفة دي لأسباب كتير، أولها الأسلوب المُسلّي اللي تيمون وبومبا قدموها بيه، وأهمها أنه لقى فيها حل فوري لحالة الإكتئاب اللي عنده من ساعة ما تسبب في موت باباه، وبدل ما يواجه الواقع تبنى فلسفة التنفيض؛ “هاكونا ماتاتا”، وأول حاجة قرر “ينفضلها” هي أهله، بما فيهم مامته..

ومن خلال إخراج الأغنية اللي مليان رموز ومعاني بنشوف إزاي تيمون وبومبا بيغيروا فكر سيمبا بشكل مؤسف جداً في حين أن ظاهر المشهد مُبهج ومُفرح في تناقد شديد ميفهموش غير المشاهد المتأمل خلاصته أن الentertainment - بمعنى اللهو - هو مفتاح لتحويل نظرة أي شخص تجاه حاجة مذمومة إلى محمودة.

فنلاقي مثلاً أن تيمون طلّع مَبرد وبَرد لسيمبا مخالبه كرمزية لإنتكاس الفطرة وتبدُّل السنّة. كمان بعد ما Mufasa بابا سيمبا ما كان بيربيه على معاني الصبر والتركيز والتأني في درس الصيد في أول الفيلم دلوقتي تيمون بيعلمه يستسهل وياكل دود وخنافس وصراصير وحاجات مقرفة جداً كرمزية للإستغناء عن العلم والعمل. الملفت للنظر أن “تيمون” اللي كان طول الوقت متزعِم سيمبا وبومبا هو في الحقيقة أصغر وأضعف واحد فيهم، لكنه قدر يتزعمهم بسهولة لأنهم نسيوا هويتهم.

وبعد flash forward سنين لقدام بنشوف سيمبا كبر وبقى شاب لكن للأسف بشخصية ضعيفة وهايفة واضحة في مظهره وتصرفاته وتطلعاته، فبعد ما كان بيعتز جداً بكلام باباه وشايفه قدوة ليه بقى بيتكسف وبيسخر منه بينه وبين صحابه، وبعد ما كان حلمه أنه يُحكم الغابة بالعدل ويحرر “مقبرة الفيلة” من إحتلال الضباع بقى هدفه الوحيد في الحياة أنه “يقضّيها” مع صحابه الفاشلين الهايفين، وبعد ما كان أكتر شخص مميز في الغابة وفي نظر كل الغابة ليه مستقبل مشرق، بقى ملوش لازمة ولا أهمية.. وفضل عايش سنين على الحال دا، لحد ما في يوم قابل Nala.

“نالا” في الكارتوون هيا رمز حطه المؤلف العبقري لحاجة جميلة بتفكر سيمبا بأصله وفطرته وأحلامه، ممكن بالنسبالنا تكون شخصية او مكان او كتاب او ثورة او اي حاجة بنحس فيها بمعاني التغيير، المهم أنها بتواجهه بحقيقته اللي كان ناسيها.. أنه أسد والمفروض يكون ملك الغابة، وأن كل الغابة بتناديه، وحلمه بيدور عليه، ارجع تاني الدنيا محتجالك، ارجع تاني ونور الحياة - فبيتصدم سيمبا في نفسه والحال اللي وصله ويقرر أنه يتغيّر، ويبدأ يدور على الصراط المستقيم.

“But the sun rolling high - through the sapphire sky
Keeps great and small on the endless round
It's the Circle of Life, and it moves us all
Through despair and hope, through faith and love
Till we find our place on the path unwinding
In the Circle of Life”

— The Lion King”
― Amr Ali Ibrahim, مارينا.. كان يا مكان

“أفتكرت موقف كمان رائع حصل في نفس اليوم و إحنا بنوزع المطويات الدينية على الشاطئ مارينا ٥. شفنا شاب عنده حوالي ٢٥-٣٠ سنة واقف بعربيته المرسيديس الجديدة راكن عمودي على الشاطئ وساند على الكبوت وباصص على البحر. كان ماسك ازازة Heineken بإيد وسجارة بالإيد التانية وبيبدل فيهم في بطئ وصمت. كان باين عليه أنه مخنوق جداً وبيفكر تفكير عميق. كان واضح أنه في لحظة تأمل وبيفكر في تعديل مسار حياته. حسيت أنه محتاج يبقى لواحده فكنت متردد نكلمه بس حسيت برضه أننا ممكن نساعده فقررنا نديله مطوية. ركنا قريب منه ونزل Esso اداه الprint. الولد بص فيها فاتفاجئ جداً.. وإحنا اتفاجأنا أكتر من رد فعله. كان سعيد جداً وقعد يشكر Esso بشكل عجيب. رد فعله كان كأننا عملنا حاجة هو مستنيها من زمان. طلع محفظته من جيبه وطلع منها فلوس وقال لEsso “طب أنا عايز أساعد، عايز أشارك معاكوا، عايز أخد ثواب”. شيء رائع أن واحد بيشرب يتأثر بكل السهولة دي. شيء بيعلمنا أن الذكرى فعلاً بتنفع المؤمنين وأننا محتاجين بس نذكّر. Esso سلم عليه وركبنا العربية ومشينا وإحنا في قمة السعادة.”
― Amr Ali Ibrahim, مارينا.. كان يا مكان

“بعد ما مشينا قعدنا نتكلم عن أد إيه المرأة المسلمة ممكن تأثر على الرجل بالسلب او بالإيجاب. السيدة خديجة رضي الله عنها كانت أول وأكبر داعم للنبي صلى الله عليه وسلم قبل وفاتها، والسيدة فاطمة بنت الخطاب رضي الله عنها كانت سبب في إسلام أخوها عمر بن الخطاب ثاني أفضل صحابي في الإسلام. لكن للأسف، كتير من بنات زماننا بقت تعمل العكس، بتفتن الشباب وتبعدهم عن الدين. التغريب الفكري اللي اتصدر لينا من خلال الamerican music and movie industries خلى شريحة كبيرة من الشباب المسلم عايش بسطحية عشان يعجب البنات حسب المعايير اللي بيزرعوها في أفكارنا.”
― Amr Ali Ibrahim, مارينا.. كان يا مكان

“تأملت الكاوتش في ضيق. موقف سخيف جداً لما تبقى نازل الشغل فتلاقي كاوتش العربية نايم. يا ترى إيه حكمة ربنا من حاجة زي كدة؟

بعض العلماء بيقولوا أن معصية ربنا بيظهر تأثيرها في الحاجات اللي حوالينا؛ يقول الحسن البصري - رحمه الله: والله إني لأعلم ذنبي في خلق زوجتي وفي خلق دابتي (ركوبتي).

ويقول الفضيل بن عياض - رحمه الله:
إني لأعصي الله فأجد ذلك في خلق دابتي وامرأتي.

هل ممكن يكون كاوتش العربية اللي لقيته نايم إمبارح وأنا نازل الشغل هو عقاب من ربنا ليا نتيجة للذنب اللي عملته الليلة اللي قبلها؟ وارد.. وبما أني مش متجوز، ولا خاطب، ولا مصاحب، جه عقاب ربنا ليا في كاوتش العربية الmichelin..”
― Amr Ali Ibrahim, مارينا.. كان يا مكان

“حد من صحابي اللي بثق فيهم نصحني أسيب زحمة القاهرة وانشغالتها، وعالم التكنولوجي وخناقاتها، وأروح مكان بعيد مفتوح أقضي فيه يوم مع ربنا، من غير laptop ولا iPad ولا internet، زي ما كان النبي صلى الله عليه وسلم بيعمل قبل البعثة لما يحس بالوحشة ويضيق صدره من حال قومه والعداوات اللي بينهم. كان بيسيبهم ويروح غار حراء يناجي ربنا ويتفكر في حياته وحياة أهل مكة ويتأمل في الكون وخلق السماوات والأرض.

لاقت الفكرة قبولاً تاماً فى قلبي فعزمت على السفر. وبما أننا في نص فصل الربيع قررت أروح مارينا،”
― Amr Ali Ibrahim, مارينا.. كان يا مكان

“الرغبة اللي جوانا كلنا في الدعوة إلى الله وتوصيل رسالة ربنا للناس دي حاجة رائعة، بل هي السبيل الوحيد لدخول الجنة، لكننا لو معرفناش نوجهها صح بمنهج النبي صلى الله عليه وسلم الحقيقي هنتسبب في ضرر أكبر من لو سبنا الناس في حالها بدون ما ندعوهم إلى الله، او كما نظن.”
― Amr Ali Ibrahim, مارينا.. كان يا مكان

“استعجبت أننا دايماً في سفر الدنيا بنفول التانك عشان نأمن نفسنا على الطريق، فلماذا لا نتحرى تأمين أنفسنا في سفر الآخرة؟ ليه مش بنخاف أننا بعد الموت حسناتنا متكفيش توصلنا الجنة؟

تذكرت قول الله تعالى:

وَتَزَوَّدُواْ فَإِنَّ خَيْرَ الزَّادِ التَّقْوَى وَاتَّقُونِ يَا أُولِي الأَلْبَابِ - البقرة/١٩٧

وتذكرت أبيات الإمام الشافعي رحمه الله:

ستندم إذا رحلت بغير زادٍ *** وستشقى عندما يناديك المناد
أترضى أن تكون رفيق قومٍ *** لهم زادٌ وأنت بغيـر زاد؟”
― Amr Ali Ibrahim, مارينا.. كان يا مكان