Ande Jankov's Blog: Scribo, ergo sum.

Како полека изминуваат и последните седмици пред почетокот на промотивните активности поврзани со претстоечкиот роман, така и јас станувам се понетрпелив.
Во меѓувреме, имав прилика да слушнам и да се запознаам со едни од најпознатите европски писатели и сценаристи, Нил Џордан и Џон Коноли.
Разговорите со нив само ми оставија потврда дека сум на вистински пат кога се работи за Storytelling-от како професија. Од друга страна пак, ме изненади и нивната присебност иако станува збор за светски познати уметници. Со тоа само дополнително се потврдува онаа мантра по која се водам: Мemento Mori.
Секогаш кога седнувате да пишувате одново, вие сте на еден нов старт, и повторно учите. Запамтете го тоа.

До следното читање при крајот на годината, искрен писателски поздрав.

Викаат најголема инспирација за пишување се добива кога ќе се замине на некое егзотично место. Така и полека почнува да се оформува ракописот за петтиот дел од серијалот за Виктор Николов. Овој пат, насловот ќе го кријам малку подолго време, но она што можам да откријам е дека прв пат после ''Виенски гамбит'', дел од дејството ќе се одвива надвор од Македонија.

Во меѓувреме, четвртиот дел полека влегува во завршна форма, а во глава ми се вртат и првите идеи за дизајн на корица.

И за крај, во големо исчекување сум и за Букстар, фестивалот на европска книжевност во организација на Антолог. Таму ќе ме гледате во улога на модератор, заедно со Јордан Коцевски. Се гледаме на 3ти и 4ти октомври во Скопје.

Жештиниве полека попуштаат, па така и мене полека повторно ме фаќа мерак за пишување.

Изминатиов период го искористив за полнење на батерии и финални корекции на претстоечкиот роман, кој моментално е на читање кај мојот рецензент. Не морам да напоменам дека одвај чекам да добијам повратен фидбек и мислење.

Во меѓувреме, правам дополнителни напори со промовирање на моите книги во регионот и пошироко. Работите и таму одат во позитивна насока, па очекувајте вести и на тоа поле на почетокот на есенва.

Инаку, денес е International Book Lovers Day, па за сите што празнуваат, нека им е честит!

Можеби доцнам со блогирањево на GR, но подобро подоцна отколку никогаш, нели?

Откако конечно ракописот за мојот следен роман ''Кобајаши Мару'' (Виктор Николов #4) е пуштен до лектор и кај мојот издавач, полека но сигурно во мислите се преориентирам кон следната замислена приказна во животот на вашиот омилен домашен полициски инспектор.

Изминатиов викенд ги наполнив батериите по течението на реката Дунав во Србија, каде што почнаа да ми се вртат првичните идеи позади следниот дел од овој серијал.

Следниов перид полека ја разработувам и маркетинг стратегијата за романот 'Кобајаши Мару'', која што треба да започне кон крајот на есента 2023.

Како и да е, отсега ќе бидете во тек за сите новости и настани поврзани со моето пишување, како што е моето гостување во четврток 29.06. во Кавадарци, во придружба на подвижната книжарница на Антолог, Зборче. Со кавадарчани се дружиме од 17 до 19 часот. Се надевам на доста потпишани книги, и разговори со љубителите на пишаниот збор од Кавадарци.