Ahmed rabah

“ضايع منى إزازة الميه
و مش راضية الطيارة تطير
راح الصبر و رجع الصبر
و تعب القلب و لسه كتير
آه يا تى شيرت العمر ياأبيض
لفيت بيك مشاوير مشاوير

أملك صورة أنا فيها صغير
شكلى اتغير ما عرفتوش
كان فى جيوبى مكعب سكر
داب السكر ما لقيتهوش
و امّا اتقطعت منى الساعة
وقع الوقت لاقيتنى كبير

أعرف واحد قال لواحد
إهمل صاحبك و اقسى عليه
واحد قال للواحد نفسه
انت مزعل صاحبك ليه
واحد حاول يعرف واحد
طلع الواحد صفر كبير”
― ميدو زهير

“ولأن خط الميرى أزرق
القلم ف الفصل أزرق..
ختمُه ختم النسر لازرق
واما قال مقلوب وهطفح
ركبوه البوكس لازرق
لبسوه ف السجن أزرق
واما أصبح جوا لعنة.. دق وشم اللعنة لازرق
والبنات القطر فاتهم
بخ تحت عنيهم أزرق
واللى ضايعة تستخبى
تحت ليل الهلس لازرق
والجميلة كى لا تُحسد
كان لابد الفص لازرق
والولد لفلف ودخن
فخ كان دخانه أزرق
مص دمه ودارى همه
فبنطلونه الجنز لازرق
وان قال حرام يرموه فمكان
ميعرفوش الجن لازرق
يبقى ليه لاحمر ولابيض ف العلم
لما هى لونها أزرق.”
― ميدو زهير

“بلياتشو قال إيه بس فايدة فنونــــي ؟
و تلات وقق مساحيق بيلونونـــــــي؟
و الطبل و المزامير و كتر الجعـــــــير..
إذا كان جنون زبوني زاد عن جنوني.؟

عجبي”
― صلاح جاهين

“كأن الموت هو الدليل الوحيد
على أنها كانت حيّة في يوم ما”
― عماد أبو صالح