Ibrahim Essam

“الروح ما دام طايلة.. ما يهمش تنول اليد”
― صلاح جاهين, الأغانى

“قالوا السياسة مهلكة بشكل عـــــــــــام

و بحورها يا بني خشنة مش ريش نعام

غوص فيها تلقي الغرقانين كلهــــــــــم

شايلين غنايم .. و الخفيف اللي عـــــام

عجبي !!!”
― صلاح جاهين, رباعيات صلاح جاهين

“- ﺍﻟﺒﻨﺖ ﺩﻯ ﻓﻴﻬﺎ ﺣﺎﺟﺔ ﻣﺨﺘﻠﻔﺔ.
ﺫﻛﻴﺔ ﻭﻟﺒﻘﺔ ﻭﺣﺴﺎﺳﺔ ﺃﻧﺎ ﺑﻘﻰ
ﺃﻣﻮﺕ ﻓﻰ ﻛﺪﻩ.

- ﺑﺘﺤﺒﻬﺎ؟

- ﺣﺐ ﺇﻳﻪ ﻳﺎ ﻋﻢ ... ﻓﻴﻪ ﻧﺎﺱ
ﺍﻟﺤﺐ ﺧﺴﺎﺭﺓ ﻓﻴﻬﻢ ... ﻭﻧﺎﺱ
ﺗﺎﻧﻴﻴﻦ ﺍﻟﺤﺐ ﺑﺎﻟﻨﺴﺒﺔ ﻟﻬﻢ ﻳﺒﻘﻰ
ﺣﺎﺟﺔ .. ﻣﺶ ﻗﺪ ﺍﻟﻤﻘﺎﻡ .. ﺃﻫﻰ
ﺍﻟﺒﻨﺖ ﺩﻯ ﻭﺍﺣﺪﺓ ﻣﻨﻬﻢ. ﻣﺨﻠﻮﻕ
ﻣﺨﺘﻠﻒ .. ﻋﻴﺐ ﻟﻤﺎ ﺍﻟﻮﺍﺣﺪ ﻳﻘﻮﻝ
ﺃﻧﻪ ﺑﻴﺤﺒﻬﺎ .. ﻷﻥ ﺍﻟﻜﻠﻤﺔ ﺩﻯ
ﺍﺗﻘﺎﻟﺖ ﻣﻼﻳﻴﻦ ﺍﻟﻤﺮﺍﺕ ﻓﻰ
ﻣﻼﻳﻴﻦ ﺍﻟﺴﻨﻴﻦ ﻋﻦ ﻣﻼﻳﻴﻦ
ﺍﻟﻤﻼﻳﻴﻦ ﻣﻦ ﺍﻟﻤﺨﻠﻮﻗﺎﺕ
ﺍﻟﻌﺎﺩﻳﺔ .. ﺍﻟﻠﻰ ﻣﺎ ﻓﻴﻬﺎﺵ ﺣﺎﺟﺔ
ﻭﻻ ﻣﻴﺰﺓ ﻣﻦ ﻣﺰﺍﻳﺎﻫﺎ ﻫﻰ.

‏.

‏ﻫﻜﺬﺍ ﻭﺻﻒ ﺻﻼﺡ ﺟﺎﻫﻴﻦ
ﺯﻭﺟﺘﻪ ﻣﻨﻰ ﻗﻄﺎﻥ ﻓﻰ ﻓﺘﺮﺓ
ﺗﻌﺎﺭﻓﻬﻤﺎ ﺍﻷﻭﻟﻰ ﻓﻰ ﻣﺴﻠﺴﻠﻪ
ﺍﻻﺫﺍﻋﻰ "ﺍﻟﺰﻳﺮ ﻭﻏﻄﺎﻩ" ﺍﻟﺬﻯ
ﻳﺮﻭﻯ ﻗﺼﺔ ﺣﻴﺎﺗﻪ.”
― صلاح جاهين

“ولد و بنت
ولد و بنت
كل الجنينة
ولد وبنت
يا حب حاسب من هنا
وردة ولد
و وردة بنت

كان فيه بِنَيّه
خرجت شويه
في المغربيه
قابلت وليّد
بص لها حوَد
و قال أهيا
سلم عليها
فهمت إيديها
قالت عينيها
خلاص آمنت

خجلانة هيا
و مستحيّة
لكن هنيّة
قال كلمة هوّه
و ف قلبه جوه
ناره القوية
قال يا آمالي
قالت يا غالي
غيرت حالي
ساعة ما بنت
الوقت مسَّا
و هي لسه
و لا هي حاسّه
آدم و حوّا
هي و هو
اتنين في قصة
لكن ساعتها
شافت ساعتها
رجعت لبيتها
و أنا ...؟
حزنت ....

أنا اللي كاتب الغنوة ديّا
أنا الوليّد
صاحب البنيّة
اللي عيونها
قالت آمنت...”
― صلاح جاهين, ..صلاح جاهين فيلسوف ولاد البلد